Réttur - 01.07.1951, Page 24

168
RÉTTUR
tekið upp að nýju í samninga sína ótvíræð ákvæði um
greiðslu fullrar vísitölu á kaup félagsmanna sinna.
Ráðstefnan fagnar því, að allmörg sambandsfélög hafa
nú þegar sagt upp samningum sínum með tilliti til aðgerða
um n. k. mánaðamót.
Jafnframt skorar ráðstefnan á þau félög, sem enn hafa
ekki sagt upp samningum að gera það nú þegar, og hefja
nauðsynlegan undirbúning að baráttunni fyrir því að vinna
félagsmönnum sínum til handa greiðslu fullrar vísitölu á
kaup þeirra.
2. Ráðstefnan telur mikilvægt, að sambandsstjórn beiti
áhrifum sínum til þess að tryggja að þýðingarmikil sam-
bandsfélög, svo sem Sjómannafélag Reykjavíkur og Hið
ísl. prentarafélag, sem nú eru með fasta samninga, verði
reiðubúin til samúðaraðgerða ef til sameiginlegs verkfalls
annarra félaga skyldi koma.“
Eins og síðari hluti ályktunarinnar ber með sér, lögðu verka-
lýðsfélögin mikla áherzlu á, að þau félög sem voru með fasta
samninga, en gátu haft úrslitaþýðingu í átökunum, væru reiðu-
búin til samúðaraðgerða samtímis verkföllum annarra félaga, ef
til þeirra kæmi.
Skömmu eftir ráðstefnuna var haldinn aðalfundur Hins ísl.
prentarafélags. Á fundinum kom fram tillaga um að félagið lýsti
sig samþykkt ályktun ráðstefnunnar, m. a. um samúðarverkfall
af hálfu H.Í.P. Kom nú í ljós hver alvara lá bak við herskáar
yfirlýsingar sambandsstjórnar. Einn sambandsstjórnarmanna,
Magnús Ástmarsson, er setið hafði verkalýðsráðstefnuna er sam-
þykkti ályktunina einróma, lýsti sig nú andvígan þeim hluta
hennar er sneri að Hinu ísl. prentarafélagi, og krafðist þess að
hann yrði felldur niður úr tillögunni. Var það samþykkt með sam-
einuðu atkvæðamagni gengislækkunarflokkanna og Alþýðuflokks-
ins.
Frá stjórn Sjómannafélags Reykjavíkur heyrðist aldrei orð um
neinskonar stuðning eða samúðaraðgerðir. Myndi þó sízt hafa
staðið á starfandi sjómönnum hefði verið til þeirra leitað.