Réttur - 01.07.1951, Side 54

198
RÉTTUR
skyldu með stöðugu herliði 550 þús. að tölu. Brezka stjórnin
þagði og sendi John Simon og Anthony Eden til að semja um
uppbyggingu þýzks flota. Hitler heimtaði 35% flotastyrk á við
Breta og fékk því ráðið. Þannig mætti nefna hvert atriðið af öðru
þangað til eftirgjöfin náði hámarki í hinni frægu för Neville
Chamberlain til Berchtesgaden haustið 1938 þegar Tékkóslóvakíu
var fórnað.
Á þessum árum var William Dodd sendiherra Bandaríkjanna í
Berlín. Hann var ákafur talsmaður andfasistísks bandalags milli
Rússlands og Vesturveldanna. í Dagbók sinni 6. maí 1935 skrifar
hann um bréf, er hann hafði fengið frá brezka sendiherranum
í Berlín og segir þar svo:
„Skoðun hans (þ.e. brezka sendiherrans) er sú, að Þjóða-
bandalagið eigi að takmarkast við það að vera andnasistiskt banda-
lag, er þá gæfi Þýzkalandi tækifæri til að fara sínar eigin leiðir
í valdabaráttunni“. Hann lét fyllilega skilja að hann væri hlynnt-
ur samstarfi lýðræðisríkjanna, til að hindra hverja tilraun, Þýzka-
lands til að seilast í vesturátt og að beina þess í stað áhuga þess
í austur. Þótt þetta leiði til styrjaldar milli Rússlands og Þýzka-
lands veldur það honum engum áhyggjum. í raun og veru virðist
hann álíta að það væri góð lausn á þeim vandamálum, sem Þýzka-
landi voru bökuð með Versalasamningunum.
Hann álítur takmark lýðræðisins eigi að vera það, að gefa
Þýzkalandi og Japan meiri áhrif á gang heimsmálanna, sem þau
samkvæmt bæði erfðavenjum og styrkleika hafi rétt til. Hann
vonar að þetta muni takast án þess að hrezka heimsveldið saki“.
Þetta er eitt af fjölmörgum dæmum, en nægir til að sýna hina
raunverulegu stefnu brezku stjórnarinnar á þessum tíma. Þá
stefnu, að reyna síður en svo að hindra það að styrjöld brytist
út, heldur aðeins að tryggja það að hún beindist gegn Sovétríkj-
unum einum.
Slík skjöl sem þessi eru órækustu sannanirnar um það, hve
miklu hin borgaralega blaða og áróðurstækni hefur logið að al-
menningi um raunverulegan gang þessara mála. Og sjaldan hefur
meiri blekkingum verið beitt en í sambandi við griðasamning