Réttur - 01.07.1951, Qupperneq 69

RÉTTUR
213
Kyrrðin, sem ríkti sex mánuði eftir fall Póllands og villti
heimildir á styrjöldinni, var skyndilega rofin með þrumugný.
Ekki barst hann úr þeirri átt, sem óveðursskýin sýndust myrkust,
heldur úr norðurjaðri þeirra. Eldingu Hitlers laust niður í tveim
friðsömum löndum, Danmörku og Noregi.
Að morgni hins 9. apríl fluttu dagblöðin þær fregnir, að brezk
og frönsk herskip hefðu ruðzt inn í norska landhelgi og lagt þar
tundurdufl í því augnamiði að loka siglingaleiðinni til Þýzkalands
meðfram ströndum Noregs. Umsagnir blaðanna lýstu velþóknun
sinni á frumkvæði bandamanna og héldu á loft ýmsum röksemd-
um til réttlætingar þessu broti á hlutleysi Noregs. Fréttir blaðanna
urðu þó úreltar þennan sama morgun. Útvarpið tilkynnti þær
fréttir, er ólíkt meiri tíðindum þóttu sæta, að þýzkar hersveitir
væru í þann veginn að ganga á land á allmörgum stöðum á strönd
Noregs og hefðu ennfremur ráðizt inn í Danmörku.
Þessi leikur Þjóðverja á taflborði styrjaldarinnar bauð óskorð-
uðum yfirráðum Bretlands á hafinu byrginn og sú ofdirfska villti
leiðtogum bandamanna sýn. Þegar Chamberlain tók til máls í
Neðri málstofu brezka þingsins, sagðist honum svo frá, að Þjóð-
verjar hefðu gengið á land í Bergen og Niðarósi á vesturströnd
Noregs og einnig á suðurströndinni, en bætti síðan við: „Komizt
hafa á kreik flugufregnir um svipaða landgöngu í Narvík, en ég
dreg sannleiksgildi þeirra mjög í efa.“ Brezku stjórnarvöldunum
þótti harla ósennilegt, að Hitler áræddi að stofna til landgöngu svo
norðarlega, einkum þar sem hann vissi, að stórar brezkar flota-
deildir væru á þeim slóðum til að vernda tundurduflalögnina og
fyrirhugaðar hernaðaraðgerðir. Að þeirra áliti hlaut Narvík að
vera misritun fyrir Larvík á suðurströndinni.
Áður en dagurinn leið að kvöldi, varð þó augljóst, að Þjóðverjar
höfðu hernumið Osló og alla mikilvægustu hafnarbæina, Narvík
meðtalda. Þessar árásir þeirra af sjó áttu sér stað samtímis, og
heppnuðust allar þeirra.
Þótt brezka stjórnin vaknaði fljótlega af tálvonum sínum við
vondan draum, ól hún brátt með sér aðrar nýjar. Churchill, sem