Réttur - 01.07.1951, Side 75

RÉTTUR
219
til hjálpar Finnum,“ er síðan ætti að „dulbúa sem sjálfboðaliða,"
í því skyni að draga úr hættunni á styrjöld við Rússland. Deilur
hófust undir eins um leið þeirra á áfangastað. Forsætisráðherra
Breta lagði áherzlu á örðugleikana á að efna til landgöngu í
Petsamó og kostina við að stíga á land í Narvík, — einkum þá
að geta hernumið járnnámurnar við Gallivare. Það átti að verða
höfuðtilgangur herfararinnar, og aðeins hluti liðsins skyldi halda
áfram för sinni til finnsku vígstöðvanna. Brezku sjónarmiðin urðu
ofan á, og afráðið var að herinn leggði upp snemma í marz.
Örlagaþrungnir atburðir áttu sér stað 16. febrúar. Þýzka skipinu
Altmark á leið frá Suður-Atlanshafi með brezka herfanga um
borð var veitt eftirför af brezkum tundurspilli og leitaði hælis
í norskum firði. Churchill sendi skipherranum á H.M.S. Cossack
afdráttarlausa skipun um að halda inn í norska landhelgi og
ráðast til uppgöngu á Altmark og leysa fangana úr haldi. Tveir
norskir fallbyssubátar komu á vettvang, en létu undan síga fyrir
ofureflinu, og mótmælum norsku stjórnarinnar vegna þessa brots á
landhelgi Noregs var vísað á bug.
Hitler leit aftur á móti svo á, að mótmælin hefðu einvörðungu
verið borin fram til málamynda í því augnamiði að blekkja hann,
og hann var sannfærður um, að norska stjórnin hefði verið í
ráðum með Englendingum. Sú sannfæring hans studdist við að-
gerðarleysi fallbyssubátanna og skýrslu frá Quisling þess efnis, að
aðför Cossacs hefði verið, „ákveðin fyrirfram“. Að sögn þýzku
aðmírálanna réðu Altmark-atburðirnir úrslitum um ákvörðun
árásarinnar á Noreg. Þeir urðu til þess, að Hitler skipti um skoðun
og ákvað að láta til skarar skríða í Noregi. Þeir voru neistarnir,
sem kveiktu í púðurtunnunni.
Hitler taldi sig ekki geta beðið þess, að Quisling hefðist handa
um framkvæmd áætlana sinna, einkum þar sem athugunarmenn
Þjóðverja í Noregi skýrðu svo frá, að flokkur Quislings ætti litlu
fylgi að fagna, en skýrslur frá Englandi hermdu, að unnið væri
að undirbúningi herferðar til Noregs og samdráttur liðs og skipa-
stóls hafinn.