Réttur - 01.07.1951, Side 82

226
RÉTTUR
spyrnu. Fyrirliði þeirra var vinur Quislings. Næsta dag sigldu
brezkir tundurspillar inn fjörðinn og lögðu til orustu við þýzku
flotadeildina, og guldu báðir aðilar mikið afhroð. Þýzku skipunum
var 13. apríl loks öllum sökkt af sterkri flotadeild, sem studdist
við orustuskipið Warspite. En þá höfðu þýzku hersveitirnar búið
rammlega um sig í Narvík og nágrenni.
Sunnar var Niðarós auðveldlega hernumin, eftir að þýzku her-
skipin höfðu sætt lagi milli strandvirkjanna, sem drottna yfir
firðinum. Innsiglingin var vandamál, sem reynzt hafði herfræð-
ingum bandamanna ofviða, þegar þeir glímdu við það. Með því
að ná Niðarósi á sitt vald, tóku Þjóðverjar hinn herstöðulega lykil
að Mið-Noregi, þótt tvísýnt væri, að fámennum herflokkum
þar bærist liðsauki að sunnan.
í Bergen, Stavanger og Kristjansand biðu Þjóðverjar nokkurt
tjón í viðureign sinni við norsk herskip og strandvirki, en þegar
þeir höfðu stigið á land, gekk þeim greiðlega. Þeir settu einnig
litla liðsflokka á land í Arendal og Eikarsundi á suðurströndinni.
Aftur á móti var árásarliðið fyrir alvarlegu áfalli við innsigl-
inguna til Osló. Beitiskipið mikla, Blucher, sem hafði mikinn
hluta herforingjaráðsins um borð, var sökkt með tundurskeytum
frá virkinu Óskarsborg, og hætt var við tilraunina að ryðjast inn
fjörðinn, unz virkið gafst upp eftir mikla loftárás. A þann hátt
vildi það til, að hernám höfuðborgar Noregs féll í skaut her-
flokkum þeim, sem stigu á land við flugvöllinn í Fornebu. Síðla
dags hélt þessi óálitlegi herflokkur skrúðgöngu gegn um borgina,
og það bragð heppnaðist. Tafir þessar gerðu þó konungi og ríkis-
stjórn kleift að komast undan norður í land í þeirri von að geta
skipulagt varnir landsins.
Ef Englendingar hefðu gripið inn í atburðarásina, einbeittir og
hvatvísir, hefðu þeir getað unnið aftur nokkra lykilsstaði á vald
Þjóðverja fyrr um morguninn. Þegar þeir stigu á land, lá meginið
af brezka flotanum undir stjórn Forbs aðmíráls úti fyrir Bergen,
og hann bjóst til að senda nokkur herskip til árásar á þýzku
skipin í höfninni. Flotamálaráðuneytinu var gert kunnugt um
þær fyrirætlanir og lagði til, að hliðstæð árás yrði gerð á Niðarós.