Andvari - 01.01.1956, Blaðsíða 12

8
Guðmundur Gíslason Hagalín
ANDVARI
Gottskálkssonar. Þeir Sveinn og Stefán voru bræðrasynir. Fjóla
giftist Daníel Fjeldsted lækni, og var hún landskunn sem hús-
mæðrakennari.
Húsavík var ekki fjölmenn á bernskuárum Benedikts Sveins-
sonar, en þangað lágu leiðir héraðsbúa til viðskipta og margvís-
legrar fyrirgreiðslu. Og til Sveins og Kristjönu lögðu leið sína
jafnt Flúsvíkingar sem gestir úr sveitunum. Benedikt Sveinsson
sýslumaður var vinur þeirra hjóna og var ævinlega gestur þeirra,
þegar liann dvaldi í Húsavík eða átti þar leið um, og eins var
um Einar, son hans, — og hjá þeim gisti Einar Ásmundsson í
Nesi, þá er hann átti erindi til Flúsavíkur. Þarna komu þeir
Gautlandamenn, Jón Sigurðsson og synir hans, séra Þórleifur á
Skinnastað, Benedikt prófastur Kristjánsson og Jón í Múla, Jakoh
Flálfdanarson, Benedikt Jónsson á Auðnum og Sigurður í Yzta-
felli — og Ásgeir Blöndal læknir var þar svo að segja daglegur
gestur. Einnig komu til gestgjafans hinir yngri menn, sem síðar
urðu ýmsir kunnir þjóðinni. Þá skal þess getið, að Þórður Guð-
johnsen verzlunarstjóri og frú hans voru nánir vinir þeirra hjóna,
Sveins Víkings og Kristjönu. Þórður var sonur Péturs Guðjohn-
sens organleikara og söngkennara í Reykjavík og konu hans Guð-
rúnar, dóttur Lárusar kaupmanns Knudsens. Þórður var tvíkvænt-
ur, og var fyrri kona hans Halldóra, dóttir Þórðar Sveinbjörnsens
háyfirdómara. Guðjohnsen stjórnaði verzlun fyrir hið alkunna og
volduga fyrirtæki Örurn & Wulf í Kaupmannahöfn. Flann þótti
fylgja allfast þeim reglum, sem húsbændur hans settu honum um
viðskipti við hændur, en hins vegar var hann talinn haldinorður,
og ekki var persónulegur fjandskapur milli hans og Jakobs Hálf-
danarsonar, frumherja og framkvæmdastjóra Kaupfélags Þing-
eyinga. Og þó að Guðjohnsen þætti fastheldinn og erfiður keppi-
nautur, beitti hann sér fyrir ýmsunr frainfaramálum, svo sem
stofnun sparisjóðs og íshúss í Flúsavík, og aldamótaárið gaf hann
þúsund krónur til stofnunar sjóði, er verja skyldi til fræðslu
barna í Idúsavíkursókn. Guðjohnsen þótti allstoltur rnaður að
hætti ýmissa höfðingja sinnar tíðar, og heimili hans mun hafa