Andvari - 01.01.1956, Blaðsíða 11
andvari
Bcnedikt Sveinsson
7
dóttur. Hún var þar nokkur ár í vist um og eftir tvítugt. Síðan
réðst hún til utanfarar með tilstyrk föðurbræðra sinna, Kristjáns
amtmanns og Benedikts prófasts í Múla. Hún dvaldist í Kaup-
mannahöfn í tvö ár, nam þar ljósmæðrafræði og kynnti sér einnig,
einkum síðari veturinn, meðferð mjólkur, ostagerð og smjörgerð,
sem þá hafði tekið miklum framförum með Dönum. Þegar heim
kom, settist Kristjana að á Akureyri, fékk þar veitingu fyrir ljós-
móðurstarfi. Því mun hún hafa gegnt í þrjú ár, en hinn 5.
júní 1875 giftist hún Sveini Víking.
Þau dvöldu sumarlangt á Bangastöðum í Kelduhverli, en þar
bjó í þann tírna Björn bróðir Sveins. Um haustið settust þau
að í Húsavík í svokölluðu Stangarbakkahúsi. Höfðu þau þar
greiðasölu, og Sveinn stundaði iðn sína. Skömmu síðar keyptu
þau hús það, sem nefnt var sýslumannshúsið. Það hafði verið í
eigu Lárusar sýslumanns Sveinbjömssonar, hafði verið reist árið
1843 af Sigfúsi sýslumanni Skúlasyni, var stórt á þeirra tíma
vísu, vel viðað og vandað. Þarna bjuggu þau til æviloka Sveinn
°g Kristjana.
Sveini Víking var þannig lýst í Fréttum frá íslandi í Skírni
um árið 1894, en þá var hann nýlátinn: „Hann var þrekmaður
°g sjálfstæður í skoðunum sínum, drengur góður og trygglyndur,
fróður um margt og bókamaður. í trúarefnum hneigðist hann
uokkuð að skoðunum andsjáenda" (þ. e. andatrúarmanna). Þarna
má bæta því við, að hann þótti mjög skemmtilegur í viðræðum,
var orðheppinn og hafði yndi af að ræða almenn mál. Frú
Kristjana var mjög vel greind og vel að sér til munns og handa,
dugleg, kappsöm og hagsýn, en þó risnukona mikil, nærfærin
við gesti og notaleg um viÖurgerning og aðhlynningu. Auk Bene-
dikts áttu þau Sveinn og Kristjana tvo syni, sem upp komust.
Þeir urðu háðir merkir menn og mörgum kunnir. Það voru þeir
Baldur Sveinsson, lengstum blaðamaður og ritstjóri, og Þórður
Sveinsson, um hríð stórkaupmaður, en síðar aðalbókari Búnaðar-
bankans. Þeir þóttu mannkostamenn með afbrigðum. Uppeldis-
dóttir Sveins og Kristjönu var Fjóla, dóttir Stefáns Erlendssonar,