Andvari - 01.01.1956, Side 60

56
Lúðvík Kristjánsson
ANDVARI
sínum þar. Vitanlega urðu orð Jóns þyngst á metum í sam-
bandi við þá vistráðningu. Haustið eitir sendir séra Ólafur
mági sínum svohljóðandi kveðju:
„Með einlægri þakklætistilfinningu minnist ég þinna vel-
gjörða við mig að fornu og nú að nýju við son minn Láka,
hvað ég allt engan veginn er í standi til að endurgjalda og
verð því að gefa þér ávísun til vor herra, sem heitið hefur að
láta góðverk ei óendurgoldin“.
Sumarið 1860 fór Þorlákur orlofsferð heim til Islands og var
nú orðinn námi ríkari, þá er liann ræddi við föður sinn heima
á Stað. Hann hyggur, að styttast muni í dvöl sinni hjá grosser
Jakohsen, því að hann standi höllum fæti fjárhagslega og kunni
að steypa stömpum fyrr en varir. En eigi að síður uggir Þorlákur
ekki um sinn hag, ef faðir sinn láti sig hafa 100 ríkisdali. Þegar
Þorlákur fer af landi hurt um haustið, hefur hann meðferðis bréf
til Jóns frænda síns og inni í því 100 ríkisdala ávísun á Gram
kaupmann. En í bréfi þessu segir Staðarprestur: „Bið þig að
úthýta honum eftir þörfum þessa peninga, en alls ckki nema
hann þurfi þcirra við, og bið þig að hegða þér í þessu eftir
kringumstæðum. Ég vil ekki hann hafi peninga milli handa
nema til nauðsynlegustu útgifta. Því vil ég þú hafir þessa pen-
inga hjá þér. Drengurinn er frí eins og karlinn var, þó hef ég
ekki heyrt hann svalli. Nú, þú ferð með þetta eins og þér þykir
henta, ennfremur verð ég að biðja þig, ástkæri bróðir, að hjálpa
Lálca til að fá vinnu einhvers staðar, ef hann fer frá Jakobsen,
livað líklega verður. Gott væri hann kæmist til Norðmanna, því
Dani elska ég ekki.“
I febrúarmánuði árið eftir, þ. e. 1861, kvaddi Þorlákur Kaup-
mannahöfn svo til að fullu og öllu, en ferðinni var ekki heitið
til Noregs, eins og faðir lians hafði imprað á, heldur til Englands.
Þar með skipti algjörlega um skeið í lífi Þorláks, og þar með
liafði þjóð vor eignazt fyrsta íslenzka fulltrúann í Bretaveldi, er
seint og snemma reyndi að kynna á þeirn slóðum aðbúð Dana
við oss og hversu horfði baráttu vorri sem nýlenduþjóðar.