Andvari - 01.01.1956, Blaðsíða 13

andvari
Benedikt Sveinsson
9
verið með þeim blæ hefðarmennsku, sem tíðkuð var hjá lieldra
fólki í Reykjavík, fjölskyldum embættismanna og helztu kaup-
rnanna.
Það er Ijóst, að margvíslegra áhrifa hefur gætt á heimili gest-
gjafahjónanna. Þar bar margt á góma, forn og þjóðleg fræði og
erlendar nýjungar í vísindum, atvinnuvegum og þjóðfélagshátt-
um, gömul og hefðbundin viðhorf í andlegum og veraldlegum
efnum og nýstárlegar skoðanir. Og þó að oft væri glatt á hjalla,
vildi það við brenna, að mönnum rynni kapp í kinn og í odda
skærist. Svo misjafnar sem voru skoðanir og viðhorf gesta og vina,
hentaði þeim það einkar vel hjónunum, að þau voru bæði gædd
meðfæddri háttvísi og lipurð, samfara andlegu sjálfstæði. Þó
að þau stýrðu hjá árekstrum, höfðu þau sínar ákveðnu skoð-
anir, og í þjóðfrelsismálunum var það stefna Benedikts sýslu-
manns, sem átti eindregnu fylgi að fagna á heimilinu.
Benedikt Sveinsson þótti snemma mannvænlegur, skýr, at-
hugull og skemmtilegur í orði. Hann hafði fljótt yndi af að
hlusta á mál þeirra ræðnu og mikilhæfu manna, sem voru gestir
foreldra hans, var fróðleiksfús og sérlega nærnur á sögur og
vísur. Hann hendi og fljótlega á lofti sérleg orð og talshætti.
hfngur fór hann að lesa íslendingasögur og flest það, sem hann
í náði af fornum bókmenntum íslendinga, og svaraði hann stund-
um gestum föður síns með orðum fornmanna — þeim, sem við
attu hverju sinni. Hann lærði kvæði góðskálda og margt lausa-
visna. Minnisstæðastir allra hinna eldri manna urðu honum þeir
Einar Ásmundsson í Nesi og Benedikt sýslumaður, Einar sakir
vitsmuna og persónulegs virðuleika og Benedikt vegna mælsku,
skaphita og skörungsskapar. Af hinum yngri mönnum var Einar
Benediktsson tíðastur gestur og sá, sem hlaut þegar að vekja
sérstaka athygli fyrir sakir fjölhæfra gáfna og glæsileika. Á þess-
um árum var hann að byrja að yrkja, fór mjög dult með
kveðskap sinn og var í vafa um það, hvort ljóð hans væru
nokkurs virði. Gekk hann oft á eintal við Svein Víking og bar
undir hann kvæði sín, og má af þessu marka, hve mikils hið