Andvari - 01.01.1956, Blaðsíða 71
andvari
Svipmyndir úr lífi Þorláks O. Johnson
67
tíma, sem gert hafði verið ráð fyrir. — Síðast í ágúst fóru Þor-
lákur og McGaan til Hafnar, eingöngu þeirra erinda að víxla
þar gulli fyrir danskt silfur, því að bændur höfðu farið fram á
það við Þorlák, að féð yrði greitt í danskri mynt. Þorlákur ræddi
mikið við Jón frænda sinn um tilhögunina á fjárkaupunum og
virtist nú báðum sem allur vandi væri leystur, því að með sér
frá Höfn hafði Þorlákur níu hálftunnur silfurs, eða 62.040 ríkis-
dali, og áttu þeir peningar að nægja til greiðslu fyrir sauðféð.
Þann 10. ágúst segist Þorlákur hafa heimsótt danska konsúl-
inn í Glasgow, sem hann telur vigtugan baunabelg, en erindið
var að vita, hvort þeir þyrftu skilríki frá honum til íslandsferðar.
En hann vissi ekkert um það. Hann var svo vitlaus, segir Þor-
lákur, að hann hafði ekki hugmynd um, hvar ísland var. Leitaði
sá danski þá ráðlegginga kollega síns í Hull. Um allt þetta stúss
segir Þorlákur: „Þeir eru svo vitlausir hér, að þegar maður talar
um að senda skip til Iceland, þá er það eins og maður biðji um
passa til tunglsins."
Skip það, sem McGaan hafði fengið á leigu til íslandsferðar,
hét „Clansman“. Það lagði af stað frá Greenock föstudagskvöldið
13. september kl. hálf níu. Var þá allhvasst og þoka með rign-
ingu. Auk Þorláks var McGaan sjálfur með í þessari ferð, svo og
aðstoðarmaður hans, Mr. Barr. Sama kvöldið og fjárflutninga-
skip McGaan lagði úr höfn, skrifar Þorlákur: „Ég vona ham-
ingjan gefi allt gangi nú vel, mér þykir í öllu falli ekki lítið
vænt um, að það er komið svona langt.“
En á Þorláki sannaðist sem mörgum fyrr og síðar, að þótt
kóngur kjósi að sigla, hlýtur byr að ráða. Næst þegar vér heyrum
frá Þorláki, er hann staddur í Ornseyju við Skotland og skrifar
þar eftirfarandi kl. 6 e. m., 15. september 1866:
„Það má segja urn mig, að enginn veit sína ævina fyrr en
öll er. — Ferðin gekk vel hingaö, jafnvel þó hvasst væri og þoka
rnikil. I gærkvöldi ætluðum við að liggja nóttina yfir hjá Orns-
eyju, því við áttum þar eftir að fara í gegnum ýmsar eyjar. Ég
sat niðri í káettunni með Mr. McGaan, kl. var þá 8 /2 urn kvöldið.