Menntamál - 01.09.1964, Side 84

78
MENNTAMÁL
Bókafregnir.
Bœkur frá Rikisútgáfu námsbóka.
Guðmundur M. Þorláksson: DÝRIN TALA VIÐ EGIL.
Teikningar gerði Þröstnr Magnússon.
Prentsmiðja Halnarljarðar sá nm prentun og bókband.
Á síðastliðnu vori, um það bil er skólum var að ljúka,
sendi Ríkisútgáfa námsbóka frá sér litla en fjarska snotra
og athyglisverða bók. Þetta er bókin Dýrin tala við Egil,
eftir Guðmund M. Þorláksson kennara, 80 blaðsíður að
stærð. Teikningarnar, sem eru margar og góðar og auka
mjög gildi bókarinnar, eru eltir Þröst Magnússon.
í formála segir höfundur, að bókin sé einkum ætluð 8—
10 ára börnum og að hann vonist til, að hún geti laðað
fram heillandi frásagnir af vörum barnanna sjálfra og orðið
tilefni skemmtilegra samræðna milli barna, foreldra og
kennara.
Það er fljótsagt, að hér er um að ræða einkar hugþekka
bók, sem verðskuldar fyllstu athygli foreldra og kennara.
Bókin er raunar öll í ævintýraformi, sem jal'nan heillar
börnin mest. Hún er að meginstofni samtal Egils litla á
Brekku við dýrin: 5 húsdýr, 1 villt rándýr og 5 fugla, en
nokkur lleiri dýr og fuglar eru þar nefnd, þótt ekki sé við
Jiau rætt. Og Jressara fróðlegu samræðna nýtur einnig frændi
Egils úr höfuðstaðnum, hann Ari, sem var nokkra fagra
vordaga hjá frændfólki sínu á Brekku. Hæfnina til að skilja
mál dýra og fugla hlaut Egill litli hjá álfinum Síðskegg í
Svarthamri. Inn í samtölin, eða kannski réttara sagt á milli
Jieirra, er svo fléttað fróðlegum og skemmtilegum ævintýr-
um og þjóðscjgum, sem blessuð amma segir flestar. Nokkrar
vísur og ljóð er Jjar einnig að finna og fáeinar spurningar
til umhugsunar og upprifjunar í lok flestra kaflanna. Segja
má, að grunntónn bókarinnar sé næmur skilningur á lífi