Kirkjuritið - 01.04.1949, Síða 36

114
KIRKJURITIÐ
lærisveina hans? Og þó að sá vandi væri leystur, og vér
værum viss um að orðið væri örugglega geymt í hinni
helgu bók: Hvemig á þá að túlka það og skilja? Hlýtur
ekki hver og einn að gera það, eins og hann hefir vit til,
og er þá einmitt ekki hætt við því, að gerspillingin valdi
því, að orð Guðs umhverfist hjá oss í lygi? Ég man t. d.
ekkert um það í bráðina, hvar Jesús talar um hið ger-
spillta eðli mannanna, eða um það Guðs orð í Biblíunni,
sem sé „eina leiðin“ milli Guðs og manns. Ekki man ég
heldur eftir því, hvar hann talar um, að menn þurfi að
hafa rétta trú, til þess að Guð geti fengið af sér að fyrir-
gefa þeim. 1 sögunni um týnda soninn kemur ekkert því-
líkt fram. Þegar allt kemur til alls, virðast þessir prestar
setja traust sitt öllu meir á guðfræði hinna gerspilltu
en orð meistarans sjálfs. Allur hugsunarháttur þeirra er
svo skelfilega ruglingslegur og fáráðningslegur að furðu-
legt er. Sýnist höfundurinn helzt vera snortinn af guð-
fræði Barths, sem er eitt hið óhugnanlegasta moldviðri,
sem komið hefir fram í þeirri grein á síðari öldum.
Sem skoplegt dæmi um þröngsýni þessara presta má
nefna það, að þegar Gunnar Sjenstedt, sem er náinn sam-
starfsmaður Torviks prests og einn hinn mesti safnaðar-
stólpi, fer að impra á því, að maðurinn verði að hafa
nokkurt samvizkufrelsi, blöskrar presti svo mjög, að alveg
gengur fram af honum. „Gunnar, meinar þú það, að þú
setjir það, sem þér finnst Guð vísa þér til, ofar Guðs orði?“
(Gáfuleg spurning!) Þessu svarar Gunnar játandi. Getur
prestur þá ekki lengur átt samleið með honum.
En sagan er ekki búin. Þessi villa Gunnars ber brátt
ægilegan ávöxt. Trúvillingurinn eignast barn með vinnu-
konu sinni. Allt virðist það vera með góðu samkomulagi
gert á báðar hliðar og hvorugt telja á annað. En nú
verður prestur svo alvarlega skelfdur yfir syndinni, að
honum verður þetta að orði: „Hafi ég ekki trúað því áður,
að djöfullinn sé til, þá geri ég það nú. Hér sést verk hans
svo, að þukla má á því“ (bls. 290). „Hefði Gunnar fylgt