Jörð - 01.08.1931, Qupperneq 20

1S í GAMLA DAGA [Jörð
ur að lit og vargur að stærð. Skuggi var einhver dugleg-
asti hrossahundur. Enginn hestur var sá gikkur, að
Skuggi ræki hann ekki að vild sinni. Á Sólheimum var
einnig hrossahundur ágætur, er Vaskur hét; var hann í
öllu jafnvígur Skugga. Áttu þeir venjulega mestan þátt
í því, hvernig gekk með hrossin. Báðir voru þeir vitrir og
vissu, hvert hrossin átti að reka. Þegar annarhvor þóttist
hafa miður, ruku þeir saman, og lenti þá í blóðugum á-
flogum hjá þeim. Og svo magnaðist hatur milli þeirra, að
hvar sem þeir sáust, ruku þeir saman. Svo magnaðist og
kappið um að ná í hrossin, að strákarnir frá hvorum stað
smöluðu öllu í sína tröð, hvar sem hrossin voru, ef þeir
urðu fyrri til.
Eitthvert kvöld í ágústmánuði, var stórhirðing í Eyj-
arhólum; var þá ekki farið að traða, fyr en rökkva tók.
Var þá sendur strákur með Skugga, en vegna heyanna
varð hanii að fara gangandi og átti að taka hross í Eyja-
velli — svo hét hrossahaginn. En þegar í Völlinn kom,
var þar ekkert hross að finna. Svo var og í Sólheimavelli
(svo hét hrossahagi Sólheima). Ekkert hross fannst, því
Sólheima-strákar höfðu þegar rekið allt stóðið í tröðina
hjá sér. Urðu þeir Skuggi við svo búið að hverfa heim.
Næsta dag var snemma smalað frá Eyjarhólum, og öll
hross tekin í Völlunum og rekin í tröðina þar. Um nóttina
brugðu Sólheimingar sér austur að Eyjarhólatröð og
hleyptu öllu út úr henni. Voru hrossin um morguninn
komin víðsvegar og sum í slægjumýrina. — óx við þetta
kritur milli bæja, sem helzt kom þó i ljós milli hrossa-
smalanna, og gekk í ýmsum skærum þeirra í milli; og þar
kom brátt, að Sólheimingar tóku enn öll hross úr Eyjar-
velli og settu í sína tröð. En — þessa nótt fóru karlmenn
frá Eyjarhólum og sóktu brúkunarhrossin sín í tröðina,
en hleyptu stóðinu öllu út. Stóðu hrossin þá nótt í Sól-
heimanesi, sem er slægjuland Sólheima.
Þegar þessu kappi hafði farið fram um hríð, höfðu
bændurnir frá Sólheimum og Ey fund með sér um þessi
mál. Var þar margt að kæra á báðar hliðar, svo sem á-
gang hrossa á beggja lönd, hrossatöku í óleyfi og þó eink-