Uppeldi og menntun - 01.01.1992, Side 58

Dóra S. Bjarnason
virðist orka á viðhorf þeirra til blöndunar og á vinnubrögð. Þá verður drepið á nokkur
atriði sem varða hlutverk skólastjóra í blönduðu skólastarfi. Loks verður fjallað um
það hvernig félagsgerð skólans og skólasamfélagsins stuðlar að eða hindrar blöndun.
Stuðst er við eigindlegar greiningaraðferðir við umfjöllun.8
Blöndunarferlið 1987-1990
Aðdragandi tilraunarinnar er nokkuð langur. Ég hóf fyrst máls á þessari hugmynd við
skólastjóra Æfingaskólans árið 1984. Veturinn 1986-87 óskaði ég þess formlega að
drengurinn fengi að setjast í skólann haustið 1987 í tilraunaskyni en þá var Benedikt
sjö ára gamall. Þáverandi menntamálaráðherra studdi þessa ósk, svo fremi að yfirmenn
Æfingaskólans væru henni meðmæltir. Skólastjóri og aðrir starfsmenn skólans sem
leitað var til tóku umleitaninni vel. Tveir kennarar, sem kenndu saman hópi sex og sjö
ára barna, voru reiðubúnir að taka við Benedikt að því tilskildu að þriðji kennarinn
fengist til starfa vegna tilraunarinnar. Ráðuneytið leitaði umsagnar fræðslustjórans í
Reykjavík um verkefnið og veitti loks heimild fyrir tilrauninni með þrem skilyrðum:9
1. Að litið verði á þessa tilraun sem lið í því að móta framtíðarstefnu í
skólagöngu fatlaðra barna með tilliti til þess að foreldrar fatlaðra barna gætu
valið hvort þeir setji barn sitt í almennan skóla eða sérskóla.
2. Að tilraun þessi sé gerð á vísindalegum grunni, þ.e. hægt sé að framkvæma
hana og meta árangur hennar með aðferðum vísindanna.
3. Að tilrauninni sé stjórnað af starfsmanni KHÍ, t.d. dósent í sérkennslu-
fræðum.
Ráðuneytið skuldbatt sig til að greiða laun eins kennara á ári sérstaklega vegna
tilraunarinnar.
Það dróst fram í nóvember að finna þriðja kennarann, en Benedikt heimsótti bekk
þrjátíu og þriggja 6 og 7 ára barna tvisvar í viku í fylgd barnfóstru þann tíma. Hann
byrjaði formlega í skólanum I. desember 1987. Bekkjarkennararnir tveir höfðu þegar
unnið mikið saman og lögðu áherslu á þematísk verkefni og samvinnu nemenda. Þetta
vinnulag reyndist henta tilraunastarfmu vel.10
Fyrsta skólaár
Kennararnir skiptu fyrsta árinu í þrjú tímabil.11 Þeir lýstu fyrsta tímabilinu, sem stóð
fram í febrúar, sem tíma öryggisleysis. Á þessum tíma lögðu þeir ríka áherslu á að
kynnast Benedikt og tengja hann við bekkjarstarfið en þeir voru óöryggir andspænis
þessu verkefni og efuðust um getu sína til þess að takast á við það. Kennararnir voru
uppteknir af fötlun drengsins fyrst framan af, vanmátu getu hans, veittu honum athygli
^ Sjá Bogdan og Biklen 1982.
^ Sbr. bréf til skólastjóra Æfingaskólans frá menntamálaráðuneytinu, dagsett 26.
október 1987.
Knoblock 1982:15-31; Ferguson 1987:52-67; Eichinger 1990.
' ' Sjá Greinargerð til menntamáluráðuneytis 1988:6-1 I.
56