Uppeldi og menntun - 01.01.1992, Blaðsíða 233

Ólafur Proppé
spurningum um hvað eigi að kenna nemendum á tilteknum aldri í grunnskólum
landsins. Námskrá fyrir allt grunnskólastarf má ekki vera annað en rammi sem bæði
afmarkar að einhverju leyti og gefur möguleika á faglegum vinnubrögðum og faglegri
ábyrgð í einstökum grunnskólum. Og þessi námskrárrammi verður að haldast í hendur
við bæði framkvæmd og mat á skólastarfi. Mat á skólastarfi sem tekur til alls grunn-
skólastarfs í landinu, og á að vinna á ábyrgð menntamálaráðuneytisins (efsta lagið í
töflunni hér að ofan), má t.d. ekki taka til kunnáttu nemenda á einstökum þekkingar-
atriðum. Slíkt mat þarf að snúast um hvernig staðið er að skólastarfi í einstökum
grunnskólum landsins; hvort þar sé unnið að uppeldi og menntun með faglegum hætti
og af faglegri ábyrgð.
Lokaorð
Ég hef hér að framan rakið hvernig breyttar samfélagslegar aðstæður síðustu árin og
áratugina gera vaxandi kröfur um fagmennsku í skólastarfi. Ég hef sett upp líkan sem
ætlað er að sýna í hverju grundvallaratriði faglegra vinnubragða eru fólgin. Með aðstoð
þessa líkans hef ég bent á tvær leiðir og haldið því fram að önnur þeirra, „lóðrétta
leiðin“, dragi úr faglegum vinnubrögðum og faglegri ábyrgð, en hin, „lárétta leiðin“,
stuðli að faglegri ábyrgð og faglegum vinnubrögðum. Það er mikilvægt að reyna að
feta „láréttu leiðina“ til þess að unnt verði að auka árangur skólastarfsins og segja um
íslenska skóla: Öllum komu þeir til nokkurs þroska og aukinnar menntunar.
231