Uppeldi og menntun - 01.09.1993, Side 80

SKRÓP NEMENDA j FRAMHALDSSKÓLUM
Rúmur helmingur þeirra nemenda sem vörðu að meðaltali minna en 30 mínútum til
heimanáms á dag skrópuðu oft eða stundum úr kennslustundum, en aðeins tæplega
20% þeirra, sem notuðu að meðaltali meira en tvo tíma á dag til heimanámins.
Líferni og skróp
Nemendur voru spurðir hve oft þeir neyttu áfengis í mánuði þannig að þeir yrðu
fullir. A Mynd 5 sést að svör þeirra við þessari spurningu tengdust nokkuð sterkt
skrópi þeirra úr kennslustundum.
Mynd 5
Samband milli skróps nemenda og þess hve oft í mánuði þeir eru fullir
(r=0,34; p<0,001)
Hve oft í mánuði nemendur eru fullir
Langflestir þeirra nemenda sem aldrei verða fullir skrópuðu sjaldan eða aldrei, en
hlutfallslega fáir þeirra skrópuðu oft eða stundum. Þetta snerist við hjá þeim
nemendum sem sögðust oftar verða fullir, þannig að skróp jókst eftir því sem
nemendur urðu oftar fullir í mánuði. Benda má á að meirihluti þeirra sem verður
fullur oftar en þrisvar sinnum í mánuði skrópaði oft eða stundum.
Þá kom í ljós sterkt jákvætt samband milli þess hve oft nemendur skrópuðu og
þess hve oft þeir fóru á böll eða krár. Samband skróps nemenda og hve oft þeir fóru
á böll eða krár sést á Mynd 6. A myndinni sést að þeir nemendur sem skrópuðu
stundum eða oft urðu hlutfallslega fleiri eftir því sem þeir fóru oftar á böll eða krár.
Að sama skapi lækkaði hlutfall þeirra sem skrópuðu sjaldan eða aldrei. Aðeins
tæplega 23% þeirra sem fóru sjaldnar en tvisvar sinnum í mánuði á böll eða krár
skrópuðu stundum eða oft, en það gerðu tæplega 52% þeirra nemenda sem fóru oftar
en þrisvar sinnum í mánuði á böll eða krár.
78