Uppeldi og menntun - 01.09.1993, Qupperneq 91

GUÐRÚN I. GUÐMUNDSDÓTTIR, RAKEL GUÐMUNDSDÓTTIR
Kvenlegu þættirnir voru: Karlmannlegu þættirnir voru:
Ás túðlegur Leiðtogi
Glaðlyndur Atorkusamur
Brjóstgóður Metnaðargjarn
Umhyggjusamur Skarpur íhugsun
Ljúfur Ákveðinn
Barngóður Kappgjarn
Tryggur Rfkjandi
Samúðarfullur Styrkur
Viðkvæmur Sjálfstæður
Skilningsríkur Urræðagóður
Hlýlegur Sjálfsöruggur
Sveigjanlegur Sterkur persónuleiki
Á spurningalistanum fyrir nemendur var líka spurning sem kannaði skoðun þeirra
á því hvort karlkennarar hefðu betra lag á unglingum en kvenkennarar. Gert var
ráð fyrir því að þeir rökstyddu skoðun sína.
Kennarar voru spurðir að því hvort þeir hefðu fengið þau skilaboð að karlar
hefðu betra lag á unglingum en konur og þá hvaðan. Einnig voru þeir spurðir hvort
þeir væru því sammála. Því næst voru þeir spurðir hvort þeim fyndist kvenkennar-
ar vantreysta sér í kennslu á unglingastigi, og ef svo væri hverjar þeir teldu ástæð-
urnar vera. Að lokum voru kennararnir spurðir hvaða aldri þeir hefðu mest gaman
af að kenna.
Á listanum fyrir kennaranema var spurt hvort þeir teldu sig hafa fengið þau
skilaboð í æfingakennslu að karlmenn hefðu betra lag á unglingum en kvenmenn
og hvaðan þau væru þá komin. Að lokum voru kennaranemar spurðir hvort þeim
fyndist kvenkyns kennaranemar vantreysta sér í kennslu á unglingastigi og ef svo
væri hverjar ástæðurnar gætu hugsanlega verið að þeirra mati.
Svarendur
Spurningalistarnir voru lagðir fyrir nemendur í 9. bekk grunnskóla og kennara í
fjórum skólum í mars 1992. Auk þess voru spurningalistar lagðir fyrir nema í Kenn-
araháskóla Islands. Hópur svarenda samanstóð af:
73 nemendum (31 stelpu og 42 strákum)
33 kennurum (22 konum og 11 körlum)
38 kennaranemum (21 stúlku og 17 piltum).2
Enn fremur var leitað eftir skoðun átta skólastjóra á því hvort karlmenn sæktu frek-
ar í kennslu á unglingastigi en konur. Jafnframt voru skólastjórar spurðir hvaða
eiginleikum kennari á unglingastigi þyrfti að búa yfir.
2 Vakin skal athygli á því að á þeim skýringarmyndum sem fylgja notum við ákveðin heiti til aðgreiningar
kynjanna, þ.e. stelpa og strákur fyrir nemendur, stúlka og piltur fyrir kennaranema og kona og karl fyrir
kennara.
89