Uppeldi og menntun - 01.09.1993, Qupperneq 93

GUÐRÚN I. GUÐMUNDSDÓTTIR, RAKEL GUÐMUNDSDÓTTIR
eiginleikum kennarans. Jafnframt kom fram hjá 42% þeirra að hann þyrfti að vera
skilningsríkur og glaðlyndur. Þegar velja átti allra mikilvægasta atriðið völdu
jafnmargir skilningsríkur og sveigjanlegur eða 19%. Þessar niðurstöður má sjá á
Mynd 1.
Mynd 1
Mikilvægasti þáttur í fari unglingakennara
samkvæmt svörum nemenda
Hvernig kennara vilja nemendur ekki? Að mati stelpnanna voru þrjú léttvægustu
einkennin viðkvæmur (61%), leiðtogi (37%) og kappgjarn (35%).
Þegar velja átti það atriði sem væri síst mikilvægt reyndist það vera viðkvæmni
(19%). Tekið skal fram að 29% stelpnanna svöruðu þessum lið ekki á fullnægjandi
hátt.
Hjá strákunum voru samsvarandi tölur þessar: Viðkvæmni (59%), leiðtogi (28%)
og eiginleikarnir barngóður og ástúðlegur lentu í sama sæti með 28%. Þegar valið var
á milli þessara eiginleika kom fram að viðkvæmni taldist síst mikilvæg (38%). Þessar
niðurstöður má sjá á Mynd 2.
Finnst nemendum kyn kennarans skipta máli? Ekki var mikill munur á svörum
stelpna og stráka við spurningunni um hvort kynið hefði betra lag á unglingum. Af
stelpunum töldu 22% að kvenkennarar hefðu betra lag á unglingum en 16% stráka
töldu hinsvegar svo vera. Svörin voru studd með rökum eins og:
Þær eru einfaldlega betri ■ Þær hafa betra lag á öllu ■ Þær eru oft polinmóðari og
vilja tala meira um hlutina ■ Þær eru betur skipulagðar ■ Þær virðast skilja krakka
miklu betur en karlkennarar og pær kenna betur ■ Hlusta betur á mann og skilja
mann betur ■ Þær eru mýkri og sveigjanlegri ■ Kvenmenn eru oftast meira íkring-
um börn ■ Þæreru sanngjarnari, ákveðnari og rólegri ■ Kvenkennarar eru skemmti-
legri nema í undantekningartilvikum.
91