Uppeldi og menntun - 01.09.1993, Qupperneq 95

GUÐRÚN I. GUÐMUNDSDÓTTIR, RAKEL GUÐMUNDSDÓTTIR
Kennarar
Hvernig telja kennarar að kennari eigi að vera? Alls 59% þeirra kvenkennara sem
spurðir voru nefndu glaðlyndi sem eitt af þremur mikilvægum atriðum í fari ungl-
ingastigskennara. Næstu tvö atriðin voru ákveðni (54%) og sveigjanleiki (45%). En
allra mikilvægasta atriðið töldu flestar ákveðni eða 22%. Þess ber að geta að 31%
kvennanna svöruðu þessari spurningu ekki á fullnægjandi hátt.
Flestir karlar eða 54% töldu einkennið skilningsríkur vera eitt af þremur mikil-
vægustu atriðunum í fari kennara á unglingastigi og 45% þeirra nefndu ákveðni.
Glaðlyndi og sveigjanleiki eru atriði sem hvort um sig voru valin af 36% karlanna.
Það atriði sem körlunum fannst allra mikilvægast í fari kennara á unglingastigi
var sjálfsöryggi, en það völdu 18% þeirra. Fullnægjandi svör við þessari spurningu
fengust ekki frá 36% karlanna. Þessar niðurstööur má sjá á Mynd 3.
Mynd 3
Mikilvægasti þáttur í fari unglingakennara
samkvæmt svörum kennara
Hvernig telja kcnnarar að kennari eigi ekki að vera? Þrír minnst mikilvægu þættirnir
í fari kennarans eru að áliti kvenkennara að vera viðkvæmur (72%), ríkjandi (72%) og
kappgjarn (59%).
Það sem kvenkennararnir töldu síst mikilvægt í fari kennara á unglingastigi var
að hann væri ríkjandi en 27% voru á þeirri skoðun.
Meirihluti aðspurðra karlkennara eða 90% töldu viðkvæmni vera einn af þremur
minnst mikilvægu þáttunum í fari kennara á unglingastigi. Því næst kom eiginleik-
inn ríkjandi (72%) og loks Ijúfur og ástúðlegur með jafnt hlutfall (27%).
Að mati karlkennaranna voru atriðin Ijúfur og viðkvæmur síst mikilvæg en þau
voru hvort um sig valin af 18% karlanna. Þessar niðurstöður má sjá á Mynd 4.
93