Iðunn : nýr flokkur - 01.10.1934, Page 44

330
Með strandmenn til Reykjavikur.
IÐUNN
upp með Breiðá og stefndu beint upp að jökli. Er
það um fimm kílómetra leið. Klöngruðust þeir upp
á jökulinn, komust á jökli vestur fyrir upptök
Breiðár og héldu svo niður á sandinn aftur,
vestan megin árinnar En eftir tæpan fimtán mínútna
gang vestur sandinn varð svo nefnd Fjallsá á vegi
þeirra, og yfir hana treystu þeir sér ekki. Voru þeir
því teptir milli þessara vatna, í Króki svonefndum,
uppi undir jökli.
En þennan sama dag bar svo til, að Björn Páls-
son bóndi á Kviskerjum, sem er bær á vestan
verðum Breiðamerkursandi, reið á reka á fjörurnar í
grend við strandstaðinn. Var þá óhreint skygni, svo
að hann kom ekki auga á skipið, fyr en hann átti
stutta leið að því. Lá það í flæðarmáli og sneri fram-
stafni á land. En Breiðárós var milli Björns og skips-
ins. Reið Björn upp á ísana, sem voru á lóninu fyrir
ofan ósinn, til þess að komast að skipinu. Þegar
hann kemur í fjöruna austan megin óssins, sér
hann mannaför í sandinum. Liggja þau upp
frá skipinu og upp á ísana fyrir austan Breiðá.
Lengra gat Björn ekki rakið sporin. Tekur hann þá
að hugleiða, í hvaða átt mennirnir hefðu haldið. Datt
honum fyrst í hug, að þeir kynnu að hafa farið austur
með fjörunum og þá auðvitað teptst við Jökulsá.
Björn ræður það því af að ríða austur og skygnast
um í grend við ána. En þar varð hann engu vísari.
Hélt hann þá upp með ánni upp að jökli og þaðan
vestur með jöklinum, ef hugsast gæti, að mennirnir
Ieyndust þar einhvers staðar inni á milli jökulaldnanna.
Eftir langa reið vestur með jökulbrúninni rekst hann
loks á strandmennina i Króki fyrnefndum. Var þá orðið
hálfrokkið og sex stiga frost. Hímdu þeir í jökul-