Iðunn : nýr flokkur - 01.10.1934, Side 65

IÐUNN
Ljós heimsins.
35Í
Hvað eru þið gamlir, drengir?
Ég er níutíu og sex og hann er sextíu og níu,.
sagði Tomm.
Ho, ho, ho, sagði stóra mellan og skalf af hlátri. Hún
hafði eiginlega mjög viðkunnanlega rödd. Hinar hór-
urnar brostu ekki.
Æ, getið þið ekki verið alminlegir, sagði kokkurinn.
Ég spurði bara sona blátt áfram.
Við erum seytján og nítján, sagði ég.
Hvað er að þér? sagði Tomm við mig.
Það er alt í lagi.
Þið getið kallað mig Lísu, sagði stóra mellan og:
byrjaði síðan að hristast á ný.
Heitirðu það? sagði Tomm.
Náttúrlega, sagði hún. Lísa. Er það ekki? — hún
sneri sér að manninum, sem sat hjá kokknum.
Lísa. Alveg rétt.
Já, það var sosum auðvitað, þú heitir soleiðis,.
sagði kokkurinn.
Það er mitt eigið nafn, sagði Lisa.
Hvað heita hinar stelpurnar? sagði Tomm.
Hesla og Etna, sagði Lísa. Hesla og Etna brostu..
Þær voru ekki mjög klárar.
Hvað heitir þú? sagði ég við aðra þá ljósu.
Franska, sagði hún.
Franska hvað?
Franska Vilson, eða hvað varðar þig um það?
En þú? spurði ég hina.
Ég ansa ekki frekju, sagði hún.
Hann vill bara að við verðum kunningjar, sagði:
maðurinn, sem talaði. Viljið þið ekki verða kunnug?'
Nei, sagði önnur sú upplitaða, ekki þér.