Búnaðarrit - 01.01.1920, Page 30

24
BÚNAÐARRIT
Spurningar þessar, eða skýrslu-eyðublöðin, sendi jeg
strax, 1915, 64 mönnum. Síðan hefl jeg, bæði 1916,
1917 og 1918, sent þau mörgum í viðbót. Alls hefl jeg
sent þessi eyðublöð 120 mönnum, og sumum oftar en
einu sinni. En svör hafa komið, eða eru komin þegar
þetta er skrifað frá 32 m'önnum alls, eða rúmlega fjórða-
hlutanum. — Það eru slæmar heimtur.1)
Eitt af því, sem mikils þótti um vert, að fengist góð
og greinileg svör um, var það, hvað áveitulöndin gæfu
mikið af sjer, eða hvað heyfallið væri af hverjum hekt-
ara til jafnaðar, borið saman við það, er áður var.
Svörin um þetta eru, því miður, ekki eins glögg eða
góð frá mörgum sem skyldi. Mælingar eru ekki til al
áveitusvæðunum, og sumum er ókunnugt um, hvað
mikið hey fjell af þessum landspildum, áður en byrjað
var að veita á. En þetta atriði er þess vert, að menn
gefi því gaum og athugi, hvað fæst af hverjum hektara
til jafnaðar, bæði áður en áveitan hefst og eins eftir það»
Hins vegar bera flest, eða öll, svörin það með sjer,
að heyfallið sje miklu betra, siðan farið var að veita á.
Graslagið breytist smám saman, og heyið reynist af
mörgum blettunum kúgæft, þegar áveitusvæðið er komið
í rækt. Þó er þetta vitanlega mikið komið undir því,
hvernig vatnið er, sem veitt er á.
Öllum ber einnig saman um það, að áveituvatnið
sljetti, en að það taki mislangan tíma, eftir því hver
aveitan er, hvernig jarðlagi er háttað o. s. frv.
1) Til gamana og fróðleiks vil jeg geta þess, hvernig hoimt-
urnar hafa vorið úr nokkrum sýslum:
í Skaftafellssjslunum sendi jeg 18 mönnum þessi skýrslu-
eyðublöð, og liefi fengið svör frá 9, eða 50°/o, — i Rangárvalla-
sýslu 18, og hefi fengið svör frá 8, eða 44°/o, — Mýra- og Borgar-
flarðarsýslu 7, og fengið svör frá 3, eða 43°/o, — Árnessýslu 15,
en fengið svör frá 4, eða 27°/o, — S.-Þingeyjarsýslu 20, og fongiö
svör frá 3, eða 16°/o, — Skagafjarðarsýslu 16, en fengið svör frá
2, eða 12’/s°/o o. s. frv.