Búnaðarrit - 01.01.1920, Side 91

BÍJNAÐ ARRIT
85
að aldri, og skyldi dýralæknis-vottorð íylgja þeim, eins
og venja er til. Hestana átti að afhenda á skipsfjöl á
Islandi, og skyldu seljendur greiða flutningsgjaldið, ásamt
fóðurkostnaði, á leiðinni til Danmerkur, en vátryggingu
alla átti kaupandi að taka að sjer. Allir hestarnir áttu
að vera fluttir í skip fyrir lok septembermánaðar, en þó
áskilið, að síðasta útskipun mætti dragast fram i miðjan
október. Jeg áskildi, að verð á 4—8 V6tra hrossum, er
væru að minsta kosti 48 þuml. að hæð, samkvæmt
mælingu við útskipun, skyldi vera 700 kr., en 600 kr.
íyrir þrevetur hross sömu hæðar, og loks 500 kr. fyrir
þrevetur hross, sem væru 46—48 þuml. að hæð. Hver
farmur skyldi borgast, gegn símskeyti frá útflytjanda,
um að hrossin væru komin á skipsfjöl, og gegn vottorði
dýralæknis. Bankatryggingu skyldi kaupandi útvega, eftir
því sem álitið yrði fulinægjandi.
Svar við þessu tilboði kom ekki, eins og til stóð,
5. júní, en daginn eftir átti T. L. Hansen símtal við
umboðsmenn útflutningsnefndarinnar í Kaupmannahöfn,
og var hann þá á ferðalagi i Danmörku. f símtali þessu
bauðst Levin Hansen til að kaupa alla þá hesta, er við
vildum selja það ár, ef verðið yrði lækkað um 100 kr.
á hrossi í hverjum flokki. Að öðru leyti vildi hann hlíta
áðurgreindum kjörum. Vildi hann láta tilboð þetta standa
þangað til 18. júní kl. 5 síðdegis.
Með því að jeg vildi gjarnan hafa eitthvað skriflegt í
höndum um tilboð þetta, beiddi jeg umboðsmenn út-
llutningsnefndarinnar að staðfesta það brjeflega, og urðu
þeir samdægurs við þeim tilmælum. Ennfremur kröfðust
þeir skriflegrar viðurkenningar frá Levin Hansen um,
að þeir hefðu hermt tilboðið rjett, og að það væri bind-
andi. En við þeirri kröfu fjekkst aldrei neitt svar, hvorki
skriflegt nje munnlegt. Voru þó gerðar margar tilraunir
til þess að ná tali af Levin Ilansen, en þær urðu allar
árangurslausar. Jeg hafði heyrt, að annar danskur
maður, er Poulsen heitir, ætlaði að vera í fjelagi við