Búnaðarrit - 01.06.1927, Side 99

btJnaðarkit
313
og helst oftar. Aldrei er tilkynt fyrir fram hvenær þessar
ferðir eru farnar, því alt á að sjást í hversdagsfötum,
en ekki í sparibúningi vegna skoðananna. Á þessum
ferðum er svo skráð lýsing á öllu ástandi á búpeningi
bóndans, honum gefin einkunn fyrir fóðurforða, umgengni
og þrifnað, og holdafar búpeningsins og hirðingu. Alt er
þetta fært inn í sjerstaka bók, sem er eign fylkisins.
Þeir, sem skara fram úr í skepnuhirðingu, og í að eiga
arðsamar skepnur, fá verðlaun; en sje hirðing mjög ill
eða vanti fóður, getur farið svo, að bóndinn verði kærður
fyrir illa meðferð á skepnum sínum. 1924 ljet Búnaðar-
fjelag Nordlands-fylkis gera fjósskoðun í Tysfirði. Ráðu-
nauturinn kom á 338 bæi. Á þeim voru 100 hestar,
1000 kýr, 26 naut, 300 kálfar, 638 geitur, 2134 kindur,
6 svín og 1300 hænsni. Þá fengu 5 bændur önnur verð-
laun og 12 þriðju verðlaun; en 2 voru kærðir fyrir að
fara illa með skepnur sínar, gera þær horaðar. — 1925
var farið um Sörfold. Þá var komið á 273 bæi. Þar
fengu 5 önnur verðl., en 31 þriðju verðl. Aftur þar voru
2 kærðir fyrir illa meðferð, en allmarga vantaði fóður
og urðu að kaupa sjer fóðurbæti. — í bæði þessi skifti
varð ráðunauturinn að gera ráðstafanir til að láta baða
þrifabaði o. fl.
Framkvæmdarstjóri fylkisfjelagsins, hr. Bjarne Hovde,
telur, að þessar skoðanaferðir styðji mjög að því, að
bæta meðferðina og auka áhuga á því, að eiga arðsamari
skepnur.
i) Verðlaun. Allmörg búnaðarfjelög, eftirlitsfjelög, naut-
gripafjelög o fl. fjelög, veita verðlaun fyrir góða skepnu-
hirðingu, oft til þeirra 3 manna innan fjelagsins, sem
skara fram úr.
j) LífJcálfar. Til að tryggja það, að kálfar undan
bestu kúnum sjeu látnir lifa, er eftirlitsmönnunum fyrst
og fremst gert að skyldu, að hlutast til um, að aldir
sjeu upp lífkálfar undan bestu kúm fjelagsins. Þeir leita
því stöðugt eftir hverjir vilji ala upp kálfa, og benda
21