Búnaðarrit - 01.06.1927, Page 110
234
BÚNAÐARRlT
þar sem sýndar eru fjölskyldur og þær verðlaunaöar.
En það, hvað Danir byrjuðu snemma, að taka tillit til
ætternis nautanna, hefir gert, að þeim hefir miðað til-
tölulega fljótt áfram með sínar kúakynbætur.
Ættbökarfœrsla kúnna í Danmörku er í góðu lagi.
Til hennar veitir ríkið 20,000 kr. árlega. Hún er sum-
part framkvæmd af ráðunautum sambanda eftirlitsfjelag-
anna og kynbótafjelaganna, en sumpart af ráðunautum
ríkisins í búfjárrækt.
Af reglum, sem gilda um upptökuskilyrði í ættbók,
má nefna:
1. Að ættarættbók sje haldin á heimilinu.
2. Að kýrnar sjeu aðgreindar með nr., að þau sjeu
sett á hverja kú, og að aldrei sjeu tvær kýr með
sama númeri á sama heimili.
3. Að kálfarnir, strax og þeir fæðast, sjeu merktir
með númeri móður sinnar.
4. Að ritað sje, þegar kúnni er haldið, við hvaða nauti
það er, og þegar hún ber, upplýsingar um kálfinn.
— Þetta fernt er sett sem ófrávíkjanleg skylda. —
5. Að ráðunaut sje gefið leyfi til þess, þegar hann vill,
og án alls fyrirvara, að rannsaka hvort rjett sje
fært i ættarættbókina, rjett merkt o. s. frv.
6. Að nythæð, feitimagn og fóður hafi verið rannsak-
að af eftirlitsfjelagi eða á annan jafntryggan hátt,
um undanfarin 3 ár.
7. Að feiti-prósentan í mjólkinni hafi reynst 3,6, og
að í ársnytinni hafi verið 175 kg. smjör.
8. Að yfir móðurina sjeu til skýrslur fyrir 2 ár.
9. Að kýrin sje vel bygð og hraust.
10. Að kúnni sje lýst, og þá nefnd hæð á herðakamb,
brjóstdýpt, brjóstummái, kropplengd, malarbreidd
og breidd um snarhöfða.
11. Hver verðlaun hún hefir fengið, og hvenær.
12. Burðartími, nythæð o. s. frv.
13. Ætterni eins langt aftur og hægt er.