Búnaðarrit - 01.06.1927, Side 115

BÚNAÐAR'RIT
329
ar. Hjer þarf aí5 verða stefnubreyting. Á skrifstofu
Búnaðarfjelagsins þarf að liggja ijóst fyrir hverrar ættar
bestu kýr okkar í eftirlitsfjelögunum eru. Það þarf þar,
eins og á svipuðum skrifstofum í nágrannalöndunum,
að vera hægt að segja, fljótt og ijóst um ættir bestu
kúnna. Þá fyrst er hægt að ráða mönnum til að láta
fremur lifa af þessari ætt en hinni, og þá getur komið
fram hjer ætt lík Kristofersættinni í Danmörku, og það
áður en mann grunar, því efniviður er góður — jafn-
vel ágætur í okkar kúm.
En þó að með ættbók fáist upplýsingar um ættina,
þá er það ekki nóg. Þær upplýsingar, sem með því fást,
gefa líkur, sem eftir verður að velja meðan skepnan er
ung, en þegar hún eldist segir hún sjálf hvernig hún
er. Með kýrnar er þetta Ijóst. Það sjest af reikningum
eftirlitsfjelaganna. En á nautunum sjest þetta ekki beint
heldur á dætrunum, sem undan þeim eru aldar. Pær
þarf því að rannsaka. Og þar er nýtt svið, sem lítið
eða ekki heflr verið átt við hjer á landi. Á skrifstofu
Búnaðarfjelagsins þurfa að liggja fyrir í aðgengilegu
formi upplýsingar um hvernig dæturnar undan hverju
einu nauti, sem notað er í eftirlitsfjelögunum reynist,
samanborið við mæður þeirra. Af því sjest hvernig sjálf
nautin eru. Og ráðunauturinn, sem þarf að þekkja þá
reynslu eins vel og „faðir vor“, þarf að sjá um að
viðkomandi fjelög fylgist með í þeirri reynslu og hag-
nýti sjer hana. Þá verða góðu nautin langlíf, auka kyn
sitt og fylla fjós sveitarinnar með dætrum sínum, en
þau, sem illa reynast, deyja þá fljótt, eftir að reynslan
er búin að sýna þau í rjettu ljósi.
Það kann að veiða erfitt fyrst í stað, að fá menn til
þess að láta nautin verða svo gömul, að reynslan á
þeim fáist, svo snemma, að þau þá enn sjeu lifandi.
En það er nauðsynlegt. Gæti þá komið til mála að
veita lán til nautakaupa, líkt og Norðmenn gera, og
með svipuðum skilyrðum. Og til enn frekari vissu um
22