Búnaðarrit - 01.06.1927, Side 116

330
BtTNAÐARRIT
aö fá reynsluna, gæti líka komiö til mála, að láta styrk-
inn til nautgriparæktarfjelaganna, sem nú er miðaður
við kúatölu fjelagsins, líka, eða að einhverju leyti, vera
miðaðan við aldur nautsins. Með því mætti örfa menn
til að gera nautin gömul, meðan skoðanir manna eru
að breytast og skýrast á þessum sviðum, dg menn eru
að læra að sjá nauðsyn þess að fá reynsluna.
Áður var tröllatrú á sýningum, þær áttu að vera sam-
komur, sem sýndu mönnum hvar þaO besta væri að
finna, og hvernig það ætti að vera. Þá var dæmt. eftir
ytra útlitinu einu. Smámsaman fóru menn að sjá, að
tillit varð að taka til ættarinnar, og að svo gat farið,
að ættin væri góð, en skepnan samt svo gölluð, að ytra
útliti, að hún eftir þeim kröfum, sem þá voru gerðar,
ekki væri verðlaunahæf. Og svo kom Mendels-lögmál og
útskýrði hvernig eiginleikarnir eru óháðir hver öðrum,
og hvernig innri og ytri eiginleikar því geta erfst, hverjir
út af fyrir sig. Og loks komu svo afkvæma-rannsókn-
irnar, sem hafa staðfest það, að það er ekki ytri fegurð,
sem gefur undaneldis-skepnunum sitt gildi, heldur það,
að þær sjeu búnar eiginleikum, sem þær geti gefið niðj-
um sínum í arf, og sem geri þá arðsamar skepnur.
Með þessu öllu er það horfið, sem aðallega átti að gefa
sýningunum sitt gildi, og að minsta kosti verða dómar
á þeim nú, að byggjast á mikið fyllri og meiri upplýs-
ingum en áður, og byggjast á öðrum röksemdum, eigi
þær að gera það gagn, sem þeim er ætlað. Það þarf
því ekki að ætla, að sýningarnar verði nein lyftistöng,
til að hjálpa til við kúakynbætur. Ef til vill verða þær
eitthvað notaðar, því svo er með margt sem lítils er
nýtt, meðan stendur á breytingum — menn eru að
átta sig og skilja breytinguna — nýjungina. Og eitthvert
gagn má að líkindum af sýningunum hafa, en þá þarf
fyrirkomulag þeirra að breytast, og í okkar stjálbýli verða
þær altaf tiltölulega mjög dýrar, miðað við þann sára-
litla árangur, sem með þeim getur náðst í kúaræktinni.