Morgunn - 01.12.1934, Page 110

236
MORGUNN
En þó að nú sé öðru vísi ástatt, þá megum við vera
og erum þaklátir fyrir jafn-ágætt erindi og þetta er. Það
er áreiðanlega hið mesta þarfaverk að skýra þetta fyrir
okkur og öðrum.
Erindi >>En reynum að sjálfsögðu að
spiritismans. 2'era okkur ljóst, hvert erindi málefni
okkar eigi til mannanna, þá geri eg ráð
fyrir að rétt sé að hafa það hugfast, að við rennum, lík-
lega að langmestu leyti, blint í sjóinn um erindið, eða
erindislokin. Að minsta kosti trúi eg því, að erindið sé
miklu meira en við höfum vitsmuni til að gera okkur í
hugarlund. Eg held, að stæðu hugir manna um allan
heim alment opnir fyrir sambandinu, þá yrði árangurinn
af því óhemjulega mikill. Nú er alt annan veg ástatt; þó
að óneitanlega hafi orðið miklar breytingar, spíritism-
anum í hag, þá eru þjóðirnar honum yfirleitt andvígar,
sjálfsagt að einhverju miklu leyti fyrir fáfræði. Eg skal
taka Danmörk til dæmis. Þar sagði nýlega merkur og
mikilsvirtur lögfræðingur miðli, sem verið var að of-
sækja, að það væri óhugsandi að nokkur danskur dóm-
ari rétti hlut miðils, af því að enginn danskur dómari
tæki gildan neinn vitnisburð um að andar gerðu vart við
sig. Líkt mun vera ástatt annarstaðar á Norðurlöndum.
Jafnvel í Englandi, þar sem málið er langlengst komið í
Norðurálfunni hefir ekki reynst mögulegt að fá dóm
yfir mönnum, sem borið hafa. svik á miðil, jafnvel þótt
dómararnir viðurkenni, að þeir hafi engin svik sannað,
og engar líkur fyrir svikum hafi komið fram. Lengra er-
um við ekki komnir. Enn stendur gegn gestunum úr öðr-
um heimi sú blindhríð fáfræðinnar, hleypidómanna og
óvildarinnar, sem lýst er af snild í einni sögunni, sem
Guðm. Kamban skrifaði ósjálfrátt. Eg efast ekki um, að
þeir gestir yrðu margfalt máttugri, ef hér á jörðinni væri
tekið á móti þeim með sólskini hugarins í stað hríðar-
bylsins.