Morgunn - 01.06.1936, Blaðsíða 132

126
M ORGUNN
svo að mér er varla láandi, þó að mér standi ekki á sama
um þetta mál. Eg ætla samt ekki að segja neitt frekar nú
um lækningar á sjálfum mér. Eg var eingöngu milligöngu-
maður við þá tilraun, sem hér um ræðir. Inn til mín kom
ungur maður. Eg hefi aldrei séð mann í slíku ástandi.
Hörmungin var afmáluð á honum. Þunglyndið var svo
magnað, að honum veitti örðugt að tala nokkuð við mig.
Aðalerindi hans virtist vera, að ráðfæra sig við mig um
sjálfsmorð, sem hann taldi sjálfsagt og óhjákvæmilegt að
hann fremdi; því að hann gæti ekki lifað þessu lífi. Það
vildi svo til, að miðill var staddur á heimili okkar, þeg-
ar þessi maður kom, og fyrir tilmæli mín fékk sjúkling-
urinn fund samdægurs. Miðillinn þekti hann ekkert, hafði
aldrei heyrt hans getið, en lýsti fyrir honum framliðinni
móður hans og systur og boðaði honum aðstoð og hjálp
þeirra og annara góðviljaðra framliðinna manna, sem
mundu lækna hann að fullu. Manninum leið betur þegar
að fundinum loknum. Hann kom nokkurum sinnum eftir
þetta á fund miðilsins og fáeina tilraunafundi fékk hann.
Að skömmum tíma liðnum hafði hann tekið aftur gleði
sína og var orðinn heilbrigður og starfandi maður og full-
ur af þakklæti til miðilsins. Eg get ekki neitað því, að mér
mundi finnast það nokkuð kynlegur eftirleikur við þessa
atburði, ef miðillinn — eða eg — hefði fyrir þetta verið
gerður útlægur um talsvert fé, eða útlægur úr félagsskap
annara manna um stundar sakir, og látinn í fangelsi. Eg
er þess ekki fullvís, að slíkt væri þjóðfélagi voru til mikils
sóma. Eg veit ekki, hvað að þessum manni gekk í raun og
veru. Eg veit ekki, af hverju þetta óhemjulega þunglyndi
stafaði. Reglumaður var hann, svo að ekki var drykkjuskap
um að kenna. Hann sagði mér, að hann væri ekki í neinum
fjárhagsörðugleikum. Eg held, að hann hafi ekki sjálfur
gert sér neina grein þess, hvernig á því stæði, að hann
hefði ratað í þessi ósköp. En eg hefi þrásinnis verið á
tilraunafundum með mönnum, sem hafa að einhverju leyti
verið gengnir úr lagi fyrir vanrækta eða misnotaða sál-