Morgunn - 01.12.1971, Side 13

OPINBERANIR EMANUELS SWEDENBORG
91
merkingu, en ekki aðeins eina heldur tvær, sem væru hin and-
lega merking og hin himneska merking. En auk þessarar
merkilegu opinberunar fólst í þessu annað og ekki síður merki-
legt, en það var staðfesting á því, að eins og menn höfðu trúað,
væri Orðið í raun og veru innblásið og heilagt í bókstaflegri
merkingu. — Hinar tvær duldu merkingar sagði Swedenborg
vera fólgnar i því er ritað var, án þess að þeir, sem boðskapinn
fluttu og rituðu, hefðu um það hið minnsta hugboð, að duldar
merkingar lægju að baki þess, er þeir þannig boðuðu og fluttu.
— Birtingu hinnar guðlegu opinberunar um þessar nýju merk-
ingar sagði Swedenborg vera það hlutverk er hann var kallað-
ur til að uppfylla, fyrst og fremst, svo að kristin kirkja mætti
á nýjum tíma öðlast aukinn og andurnýjandi kraft, og verða
þess umkomin að skapa grundvöll fyrir andlega endurfæðing
mannkynsins, til uppfyllingar fyrirheitanna í opinberun Jó-
hannesar um endurkomu Drottins, en það sé raunverulega
táknræn koma Hans, með birtingu og opinberun hins frels-
andi lífsanda hins andlega og liimneska inntaks Heilags Orðs,
Ritningarinnar, — en ekki í bókstaflegum skilningi, eins og
fram að þeim tíma hafi verið almennt trúað og álitið.
Ritverk Swedenborgs um heilaga og drottinlega útlistun
Orðsins eru geysilega víðtæk og umfangsmikil. Hefur hann
ritað útskýringarnar í mörgum bindum og taka ]iær yfir mik-
inn hluta Gamla testamentisins orði til orðs, auk þess sem þær
ná einnig til margra annara kafla á víð og dreif, bæði úr Nýja
testamentinu og fleiri bókum Biblíunnar. Má gizka á, að þessi
rit séu vart minna að blaðsiðutali en 15-20.000, og er slíkt með
ólíkindum, eins og öllum má ljóst vera.
Reynsla flestra, sem kynnzt hafa ritum og kenningum þessa
merkilega manns, er sú, að eftir því sem kynnin aukast, fer
hrifningin og aðdáunin vaxandi. Því meir sem lífið er skoðað
í ljósi þeirra, því auðsærra verður hversu djiipsæjar og sannar
þær eru. — Lögmál hins almenna lífs, séð bæði í nánd og firrð,
verða svo ótrúlega samstæð, að jafnframt skynjast grundvall-
arsannindi, sem eru gagntakandi sakir einfaldleika síns. Á
grundvelli kenninga hans blasa við óraskanleg innri gildi hins