Saga - 1993, Blaðsíða 142

140
EINAR H. EINARSSON
lagið með um það bil tommuþykku millilagi af snjó víða verið upp
fyrir ökkla og í lautum fyllilega í miðjan legg (15 sm). Sömu sögu
sagði Gísli Sigurðsson á Búlandi. Það töldu þeir að aldrei í gosinu
hefðu gengið yfir önnur slík ólæti með þrumum og brestum og ljósa-
gangi og þá. Var ljósagangurinn svo ferlegur að talin hefðu verið
10-12 eldleiftur á mínútu.
A Ut-Síðu varð niðamyrkur nokkru fyrir nón svo kveikja varð ljós í
húsum. Stóð þetta myrkur í nærri tvær klukkustundir og dreif niður
allmikilli ösku. Um tíuleytið um kveldið skall aftur á svarta myrkur
með öskufalli og tilheyrandi þrumum og eldingum en er fram á nótt-
ina kom lagði sortann til fjalla undan sunnan kalda. Svipaða sögu er
að segja af Austur-Síðu. Þó var öskufallið eitthvað minna þar.
24. október
Þetta er dagurinn sem Mýrdælingar gleyma aldrei enda segir svo í
skýrslu Gísla Sveinssonar (öll staðfærsla miðuð við Vík):
Um morguninn kl. 6 og 1/2, jarðskjálfti allsnarpur. Ogurlegur
undirgangur heldur áfram, heyrist héðan með kynstrum. Hinn
ægilegasta öskustrók, biksvartan og stórgerðan, sem fjallgarð í
loftinu leggur fram hér fyrir austan (fram á Sandinn). Sýnist
héðan koma upp úr jöklinum nokkru austar en undanfarið;
helst tveir uppgangar og er sá vestari ennþá svartari en hinn.14
Vestar í Mýrdal var bjartviðri með hægri norðanátt. Vel sást til goss-
ins og var að sjá að mikið væri um að vera. Biksvartur öskumökkur-
inn hnyklaðist með miklum hraða frá gígnum en dreifðist í sortavegg
undan norðvestankalda suður yfir. Tók sortabakki sá allmikið upp
fyrir austurfjöllin, héðan frá Skammadalshóli að sjá. Þegar sól fór að
sjást í gegnum móðubakkann yfir sunnanverðu Reynisfjalli var hún
eldrauð svo roðalit sló á alla jörð. Miklir eldingaglampar voru í
mökknum og drunur stórar heyrðust öðru hvoru.
Faðir minn, Einar Þorsteinsson, sem mikinn áhuga hafði á að fylgj'
ast með gosinu, taldi að stuttir en snarpir dynkir sem kváðu við öðru
hvoru væru sprengingadynkir úr sjálfum gígnum þar eð þeir heyrð-
ust mest skömmu eftir að stórir hnyklaðir öskubólstrar stigu með
14 G.S. 1919. Bls. 24.