Árbók VFÍ/TFÍ - 01.06.2003, Blaðsíða 56
að á tímum hækkandi hlutabréfaverðs gerði safnið mun betur en vísitölurnar. Að þessu
leyti var frammistaðan í fyrra með sama hætti og búast mátti við. Safnið ýkir hreyfingar
hlutabréfavísitölunnar, bæði á uppleið og niðurleið. Til lengdar hækka hlutabréf í verði,
fremur en að lækka, og þess vegna er þess vænst að safnið skili góðum ávinningi þegar
fram í sækir.
Önnur söfn sjóðsins í erlendum verðbréfum fóru ekki varhluta af lækkunum á erlendum
mörkuðum og styrkingu krónunnar, en öll náðu þau að standa sig betur en erlendar
viðmiðunarvísitölur. Hér er um að ræða söfn hlutabréfa hjá MP verðbréfum, Heritable,
dótturbanka Landsbankans í London, og safn breytanlegra skuldabréfa hjá Morgan
Stanley.
A árinu 2002 lagði sjóðurinn 200 milljónir króna, í tvær fjárfestingar sem í senn er ætlað
að fá hlutdeild í mögulegri uppsveiflu á erlendum mörkuðum og að draga úr áhættu
sjóðsins á sviði erlendra fjárfestinga. Annars vegar er um að ræða skuldabréf í íslenskum
krónum frá íslenskum banka sem fylgja erlendum hlutabréfavísitölum upp á við en
lækka takmarkað ef erlendar vísitölur fara niður á við. Þetta bréf lækkaði skiljanlega í
verði á síðasta ári en minna en hlutabréfin. Hins vegar er um að ræða Artemis-verðbréfa-
sjóðinn í vörslu dótturfyrirtækis Kaupþings. Sjóðurinn dreifir áhættu með fjárfestingum
í öðrum sjóðum sem beita fjölbreyttum aðferðum í markaðsviðskiptum tií að ná fram
ávinningi í smáum skrefum og verja sig niðursveiflu. Jafnframt er sjóðurinn varinn gegn
niðursveiflu erlendra gjaldmiðla gagnvart krónunni. Þessi sjóður skilaði um 2,7%
raunávöxtun í íslenskum krónum frá vori 2002 til ársloka.
Ennfremur voru keypt skuldabréf erlends fyrirtækis fyrir um 50 milljónir króna og
gerður vaxtaskiptasamningur sem skilar sjóðnum góðum raunvöxtum í íslenskum
krónum.
Með þessum fjárfestingum var haldið áfram á þeirri braut að auka fjölbreytni erlenda
eignasafnsins með það að markmiði að draga úr sveiflum þess og minnka markaðs-
áhættuna.
Eignir sjóðsins í íslenskum krónum námu í lok ársins 2002 9.605 milljónum króna og
höfðu hækkað um 18,7% milli ára. Vægi þeirra í heildareignum sjóðsins var 80,8%, en var
67,6% í lok ársins 2001.
Stærstur hluti innlendra eigna er í formi hefðbundinna skuldabréfa. Á árinu var fjárfest í
markaðsskuldabréfum fyrir rúma tvo milljarða króna, einkum í húsbréfum og húsnæðis-
bréfum. Um 80% af nýfjárfestingum sjóðsins á liðnu ári fóru í markaðsskuldabréf.
Tvö fjármálafyrirtæki stýra innlendum verðbréfasöfnum fyrir sjóðinn. íslensk verðbréf á
Akureyri stýra eignasafni í ríkisverðbréfum, húsbréfum og húsnæðisbréfum. Safnið
ávaxtaðist betur en viðmiðunarvísitalan, skilaði um 13,7% nafnávöxtun eða 11,5%
raunávöxtun. Hlutabréfasafnið sem Kaupþing stýrir kom þó enn betur út, skilaði um
21,3% nafnávöxtun eða 18,9% raunávöxtun. Var það jafnframt hæsta raunávöxtun sem
undirflokkur verðbréfasafns sjóðsins skilaði á síðasta ári.
Fjármunir sjóðsins skiptast á tvær deildir, samtryggingardeild og séreignardeild.
Vöxtur samtryggingardeildar sjóðsins varð óverulegur á árinu. Iðgjöld jukust um 9,6%
milli ára en lækkun á hreinni eign deildarinnar varð 1,1% eða 125 milljónir króna. Hrein
eign til greiðslu lífeyris var í árslok 2002 kr. 11.653.719.137.
Þetta var fjórða starfsár séreignardeildar sjóðsins. Iðgjaldagreiðslur jukust um 31,6% frá
fyrra ári og greiddu 667 sjóðfélagar í þennan sparnað. Hrein eign deildarinnar í lok ársins
2002 var kr. 358.185.996 og hafði aukist um 76,5% frá fyrra ári. Nafnávöxtun
séreignardeildarinnar var jákvæð um 7,41%, raunávöxtun var jákvæð um 5,74% og hrein
raunávöxtun 5,31%. Meðalraunávöxtun sl. 4 ár er 4,1%.
5 21 Arbók VFl/TFl 2002