Árbók VFÍ/TFÍ - 01.06.2003, Blaðsíða 124

Stefna verkfræðideildar
Miklar umræður hafa farið fram innan deildarinnar um upp-
byggingu nýrra námsleiða undanfarin ár. Kennsla er núna
hafin í efnaverkfræði og hugbúnaðarverkfræði. Fyrstu nem-
endurnir hófu nám á þessum námsleiðum haustið 2001 og eru
þær að festa sig í sessi.
Efling framhaldsnámsins við verkfræðideild er forgangs-
verkefni næstu árin. Liður í því er að kenna öll námskeið á
meistarastigi á ensku ef erlendur nemandi er skráður í það.
Auknar rannsóknir krefjast aukins fjármagns og betri aðstöðu
fyrir nemendur. Islensk fyrirtæki hafa verið iðin við að styrkja
nemendur í framhaldsnámi og á það sinn þátt í því hve þeim
hefur fjölgað.
Jafnvel þó að framhaldsnám sé forgangsmál næstu árin
verður einnig stefnt að því að fjölga þeim nemendum sem
ljúka BS-námi frá verkfræðideild. Það hefur verið gert með
því að bæta þjónustu við nýnema. Brottfall nýnema hefur
verið mjög mikið undanfarin ár. Með því að auka aðstoð við
nýnema á fyrstu misserum má auðvelda þeim aðlögun að
námi við Háskóla Islands. Þetta var reynt á síðasta ári með
góðum árangri og verður því haldið áfram. Þá voru eldri
nemendur til taks og aðstoðuðu nýnema við verkefnavinnu.
Sú nýbreytni var tekin upp í samráði við raunvísindadeild að
kenna stærstu stærðfræðinámskeiðin bæði vor og haust. Þetta
auðveldar nýstúdentum að hefja nám um áramót og er einnig
vinsælt af þeim sem ekki ná lágmarkseinkunn, að geta tekið
námskeiðið strax aftur.
Ekki var tekið við nýjum nemendum í diplómanám í
tölvurekstrarfræði á árinu og samþykkti deildin að leggja það
niður. Astæða þess er aðallega sú að þetta samræmdist ekki
áherslu deildarinnar á framhaldsnám og að tölvunarfræði-
skorin hefur ekki nægan mannafla til að sinna diplóma-
grunn- og framhaldsnámi.
Verkfræðideildin var í viðræðum við Listaháskóla íslands um
samvinnu um nám í arkitektúr. Menntamálaráðuneytið féllst
á að greiða fyrir 12 nemendur í arkitektúr. Samningur
Háskóla íslands og ráðuneytisins miðar við að 30 nemendur
séu í hóp og reyndist því ekki vera fjárhagslegur grunnur fyrir
náminu án skólagjalda. Ákvað verkfræðideild því að taka
ekki þátt í samstarfi um námið, þrátt fyrir góðan samstarfs-
vilja beggja skóla.
Erlend samskipti
Stúdentar og kennarar verkfræðideildar eiga lífleg samskipti
við erlenda skóla og stofnanir. Skólaárið 2001-2002 fóru 11
íslenskir stúdentar deildarinnar utan í Erasmus-stúdentaskipt-
um og 6 í Nordplus. 6 erlendir Erasmus-stúdentar og 2 Nord-
plus-stúdentar stunduðu nám við verkfræðideild á sama tíma.
1 2 01 Arbók VFl/TFl 2003