Árbók VFÍ/TFÍ - 01.06.2003, Side 201

eyjarnar. Hafði skoska fyrirtækið SSE Telecom verið fengið
til að vinna að þessu verkefni, sem kallað var SOS
(Shetlands-Orkneys-Scotland). Um nokkurra mánaða skeið
áttu Síminn og ForoyaTele ítarlegar viðræður við SSE
Telecom, þar sem skoðaðir voru bæði tæknilegir og við-
skiptalegir möguleikar á því að tengja streng frá íslandi og
Færeyjum í land á Hjaltlandi með tengingu áfram til
Skotlands eftir SOS-strengnum. Samhliða þessum við-
ræðum var einnig kannað hvaða kosti önnur fjarskipta-
fyrirtæki í Skotlandi (t.d. BT, Thus og Fibernet) gætu boðið.
Fyrrum voru sæstrengir gjarnan svokölluð „shore-to-
shore" kerfi, þ.e. þeir enduðu í strandstöðvum, stundum
fjarri eðlilegum fjarskiptakjörnum í viðkomandi löndum.
Tengingarnar milli strandar og endastaðar voru síðan oft í
eigu eins ráðandi símafyrirtækis í hverju landi fyrir sig. Þeir
sem áttu flutningsgetu á sæstrengnum gátu ekki nýtt hana
nema kaupa samsvarandi sambönd um innanlands-
leiðirnar. Vegna einokunaraðstöðu á innanlandsleiðunum
voru þau sambönd oft hlutfallslega mjög dýr miðað við
sæstrengsamböndin sjálf. Síminn hefur slæma reynslu af
þessu fyrirkomulagi, sem t.d. er á CANTAT-3 kerfinu. Nú
eru strengkerfin nær alfarið hönnuð sem „city-to-city"
kerfi, þannig að endapunktarnir eru þar sem aðgengi að
markaðnum og áframtengingum er auðvelt. í upphafi var
ákveðið að FARICE-1 skyldi verða slíkt kerfi.
Af þessum ástæðum var megináhersla lögð á að semja um
landleiðina í Skotlandi áður en lendingarstaður yrði endan-
lega valinn. Markmiðið var að fá afnot af ljósleiðara („svört-
um fíber") suður til Edinborgar eða Glasgow. Lengi vel leit
út fyrir að samningar tækjust við SSE Telecom um tengingu
frá Hjaltlandi til Edinborgar. En þrátt fyrir hugsanlega þátt-
töku FARICE, átti fyrirtækið í erfiðleikum með að láta
viðskiptaáætlun SOS ganga upp. Á fyrri hluta ársins 2002
ákvað stjórn SSE Telecom svo að fresta verkefninu að sinni.
Eins og skýrt hefur verið frá voru samhliða viðræður í
gangi við önnur fjarskiptafyrirtæki. Svo heppilega vildi til
að um það leyti sem SSE Telecom var að heykjast á SOS-
verkefninu urðu umskipti í samningaumleitunum við Thus
plc, sem er skoskt símafyrirtæki. Thus bauð ljósleiðara fyrir
FARICE-1 frá norðurströnd Skotlands til Edinborgar á
hagstæðu verði. Þessu tilboði var tekið og var ákveðið að
lenda sæstrengnum austarlega á norðurströnd Skotlands,
þar sem heitir Dunnet Bay. Nú var búið að ákvarða alla
lendingarstaðina og því hægt að ákveða lagningarleiðina.
Strengkerfið ásamt lagningu var síðan boðið út í maílok
2002. Eftirstandandi botnrannsóknir voru framkvæmdar
síðla sumars sama ár.
Áður en að formlegu útboði kom höfðu verið gerðar
verðkannanir hjá nokkrum fyrirtækjum og valkostir
skoðaðir. Ástandið á markaðnum var FARICE hagstætt, þar
sem afar lítið hafði verið um sæstrengslagnir síðustu ár.
Samkeppnin um verkefnin var því hörð. Fyrirtækin í
Vinna við landtöku sæstrengs
í Seyðisfirði.
Strengjaflækja frá seinni heim-
styrjöldinni sem dregin var upp í
Seyðisfirði við lagningu FARICE-
strengsins.
Kynning og tæknigreinar fyrirtækja og stofnana |197