Árbók VFÍ/TFÍ - 01.06.2003, Qupperneq 178

Grímsnesveita
Fyrsta hitaveituvæðing sumarhúsahverfa sem Orkuveita Reykjavíkur stóð að var Gríms-
nesveita, u.þ.b. 60 km austur af Reykjavík. Veitusvæðið nær yfir sumarhús á jörðunum
Öndverðarnesi I og JI, Norðurkoti, Miðengi, Ásgarði, Úlfljótsvatni og Efri- og Syðri-Brú.
Sumarhúsasvæðið
Búið er að byggja yfir 1500 sumarhús í Grímsnesi. Upphaflegar áætlanir um Gríms-
nesveitu miðuðust við að veitan næði yfir þéttasta hluta byggðarinnar sem samsvarar
u.þ.b. 750 sumarhúsum. Ekki er búið að fullbyggja veitusvæðið og enn er von á þéttingu
byggðar. Búið er að skipuleggja rúmlega 1000 lóðir á veitusvæðinu og búast má við að
byggt verði á flestum lóðanna innan tíu ára.
Fjöldi sumarhúsa í grennd Grímsnesveitu fer vaxandi og eftirspurn er þó nokkur eftir
lóðum á svæðinu. Með aukinni byggð aukast líkur á að hagkvæmt verði að tengja nær-
liggjandi sumarhúsasvæði Grímsnesveitu. Uppbygging veitunnar hefur miðast við að
þjóna þessum svæðum til framtíðar.
Hitaveitan
Grímsnesveitan var tekin í notkun í desember 2002, eftir tveggja ára hönnun og fram-
kvæmdir við dreifikerfi og mannvirki.
Jarðhitasvæðið
Jarðhitasvæðið er í Öndverðamesi og liggur á jaðri veitusvæðisins. Þrjár vinnsluholur
hafa verið boraðar og afkastamesta holan skilar 60 til 70 sekúndulítrum af 80°C heitu
vatni. Heildarafköst svæðisins eru óþekkt en ljóst er að möguleikar til frekari vinnslu á
svæðinu eru allnokkrir.
Dreifikerfið
Aðveitu- og stofnlagnir Grímsnesveitu eru úr foreinangruðu (PUR) stáli, DN 100 til DN
250. Stofnlögn liggur frá Öndverðarnesi að írafossi, en einnig er tæplega kílómetra lang-
ur bútur upp með Biskupstungnabraut. Allar lagnir með þvermál undir DN 100 eru úr
krossbundnu poly-ethylen (PEX). Allt kerfið er einfalt og húseigendur bera ábyrgð á
frárennslinu. Flestir útbúa púkk við sumarhúsið þar sem lekt hraunið tekur við frá-
rennslisvatninu. Sveigjanleiki plastlagnanna gefur möguleika á því að þræða stíga að
sumarhúsum, skjótast framhjá trjám og öðru. Allar greinar frá götulögnum eru gerðar
með foreinangruðum stáltjám, en á þau eru soðin tengistykki og þar tengjast plaströrin við.
Reiknað er með að afhendingarhitastig verði á bilinu 55° til 80°C, háð fjarlægð frá jarð-
hitasvæði og stofnlögn, sem og þéttleika tengdra húsa á svæðinu. Framrásarþrýstingur
verður á bilinu 2 til 6 bar.
Afhending og sala
Heimæðar eru lagðar að húshlið. Gerð er krafa um að húseigandi komi sér upp tengiskáp
sem alla jafna er staðsettur á útvegg sumarhússins. Krafan gildir um þau hús sem ekki
eru í daglegri notkun og þar sem aðgengi starfsmanna Orkuveitu Reykjavíkur að tengi-
búnaði er ekki tryggt. Margir sumarhúsaeigendur hafa notað tengiskápinn undir varma-
skipti og nauðsynlegan stjórnbúnað sem lágmarkar áhættu viðkomandi á rekstrar-
1 7 4
Arbók VFf/TFl 2003