Tímarit Máls og menningar - 01.03.1952, Side 14

4
TÍMARIT MÁLS OG MENNINGAR
sér um nauðsynlegustu bœkur sem þá hefur langað til að eiga.
Þeir eru ekki heldur svo fátækir nú, fjarri því. Þeir hafa ein-
mitt lœrt að gera kröfur til aukins menningarlífs. Og ekki sízt
þegar þrengt er að kjörum manna verða bœkurnar þeim örvun
og vopn í hendur til að neita að viðurkenna hin kröppu kjör
eða tilbúna fátækt í landi auðs og allsnægta sem Island er.
Mál og menning gerir með þessari útgáfu þá kröfu til al-
mennings á íslandi að hann neiti að láta draga úr lestrar-
hneigð sinni og bókmenntaáhuga, en hefji hins vegar sókn fyrir
aukinni menningu, aukinni þekkingu sem er þjóðinni nauðsyn-
leg til þess að taka sér vald yfir örlögum sínum í stað þess að
láta skammta sér fátœkt og óviðunandi lífskjör. Góð bók getur
vakið menn til lífs, breytt lífi manna, vakið hjá þeim skilning
og þor, gefið mönnum nýtt vald, gert þá að meiri mönnum og
ósigrandi í baráttu lífsins, og getur orðið æskunni leiðarljós að
nýju og göfugra markmiði. Hið versta sem menn geta gert sjálf-
um sér er að láta buga menningarvilja sinn.
Við vœntum þess að lesendur Tímaritsins kynni sem flestum
hið nýja útgáfutilboð Máls og menningar. Við skorum á um-
boðsmenn og alla stuðningsmenn og vini Máls og menningar að
styðja félagið drengilega í nýrri sókn til að auka menntun al-
mennings.
Stjórn Máls og menningar
HALLDÓR KILJAN LAXNESS KRISTINN E. ANDRÉSSON
JAKOB BENEDIKTSSON RAGNAR ÓLAFSSON
HALLDÓR STEFÁNSSON