Tímarit Máls og menningar - 01.03.1952, Qupperneq 51

t
FERÐALAG PÁLÍNU 41
týri? Gat hún átt á hættu að allt færi á annan veg en hún hafði vonað
og verið viss um? Gat hún tortímt draumi sínum?
Nei það gat hún ekki. Hún fór að tína af sér ferðafötin og stóð á
nærfötum einum þegar húsmóðir hennar kom til að láta hana vita að
nú þvrfti hún að fara að flýta sér.
Ég er hætt við að fara.
Ertu eitthvað verri? Húsmóðirin reyndi að hengja utan á hana flík-
urnar og koma henni í ferðahug, en árangurslaust; hún settist á rúmið
og var farin að gráta.
Hví þurfti vinkona hennar að vera að þessu, raska jafnvægi hennar,
spilla draumi hennar, eitra tilveru hennar?
Og bíllinn með hinu skemmtilega samferðafólki rennur af stað án
þess hún sé með og söngur þess hljómar sex til áttraddaður um leið og
ekið er framhjá glugga Pálínu sem hnípir rauðnefjuð á rúmi sínu.
Svo herðir hún sig, fer í hversdagsföt og gengur til starfa síns í eld-
húsi.
Vaðsekkurinn heldur áfram að standa úttroðinn á gólfinu; vitni þess
að hér hafi átt að fara í mikið ferðalag.
Um kvöldið þegar Pálína er háttuð koma allar sýnirnar í röð og
reglu og veita henni löngu umsamda gleði og fullnægingu.
------------úr andlitum hrúðkaupsgestanna skín gleði og aðdáun
og — þó fólk sé hér svo gott í sér — dálítil öfund.