Tímarit Máls og menningar - 01.03.1952, Page 95

JARÐVEGUR OG RÆKTUN
85
Þessi efni fær jarðvegurinn aftur með húsdýraáburði eða með tilbúnum steinefna-
áburði og með því að sá blöndu af grösum og belgjurtum til köfnunarefnissöfnunar.
Til þess að áburðurinn komi að gagni þarf að vera nægilegt vatn og jarðvegurinn að
hafa rétta byggingu.
Niðurlag
Mönnum kann að virðast að til lítils sé að tala um ræktun jarðvegs í okkar akur-
lausa og skóglausa landi. Og þó; skógamir eru á leiðinni og sandamir að gróa upp.
Þó að íslenzkir bændur hafi ekki enn lært að rækta kom hafa kornræktartilraun-
ir verið gerðar á Sámsstöðum með góðum árangri í meir en 20 ár. Og ef til vill kem-
ui sú tíð að „akrar hylja móa“.
Kannski em líka möguleikar á að rækta hér epli og fleiri ávexti. Þær tilraunir er
eftir að gera.
Ef íslenzkur landbúnaður á sér framtíð, og það á hann vafalaust, þá verða íslenzk-
ir búvísindamenn og bændur að læra að hagnýta sér reynslu Sovétvísindamannanna,
sem nú eru fremstir í heiminum í ræktun jarðvegs, jurta og dýra.