Tímarit Máls og menningar - 01.11.1987, Qupperneq 63

Áfram tími!
kennslubókum. Kennslubækur eru gefnar út á hverju ári með leið-
réttingum og viðbótum.
Þetta sagði Margúlíes lágt, næstum hvíslandi. Hann hafði bersýni-
lega einbeitt allri sinni athygli að blýantinum.
Gott og vel, en á ÞESSU ári er mælt með því að við tökum mark á
kennslugögnum frá þessu SAMA ári. Ekki satt?
Hvers vegna getum við ekki notað leiðréttingar næsta árs, ef við
getum fundið þær núna?
Á, þér ætlið að fara fram úr tímanum?
Við viljum standa við áætlunina.
En ekki á réttum tíma!
Það er alltaf tímabært að flýta sér.
Jæja, við erum víst stokknir yfir í heimspekina. Við skulum koma
okkur niður á jörðina. Þið notið Jaegersteypuvél, ekki satt?
Jú-
Eg vona að þér vitið, að í bæklingnum sem fylgir vélinni stendur
svart á hvítu að það megi ekki hræra í minna en hálfa aðra mínútu.
Það veit ég.
Og samt gerist þér svo frekur að draga í efa hæfni þeirra sem settu
saman þessar leiðbeiningar? Opinber gögn frá heimsfrægu firma?
Þeir sem skrifa þessi opinberu gögn eru ekki nema manneskjur,
rétt eins og við syndaselirnir.
Nalbandov hleypti í brúnir og roðnaði.
Mér finnst þessi fyndni ekki beint viðeigandi, sagði hann hátt.
Annars skemmtir sér hver eins og hann best getur. . . og honum
hefur verið kennt . . . En leyfið mér að sleppa við allt grín. Eg er
nógu vel að mér tæknilega. Mér finnst meðferð yðar á dýrum inn-
fluttum tæknibúnaði að minnsta kosti . . . áhættusöm. Eg vil helst
ekki nota annað lýsingarorð, þótt það sé mjög í tísku núna.
Varir Margúlíesar titruðu lítið eitt. Hann fölnaði:
Þér eigið við . . .
Eg segi bara að með þessu álagi verður að afskrifa vélina alltof
fljótt.
Á fimm eða sex árum.
En samkvæmt opinberum leiðarvísum á þessi vél að geta dugað í
tíu eða tólf ár við eðlilegar aðstæður. Þér níðist á tækninni.
453