Tímarit Máls og menningar - 01.03.1999, Blaðsíða 58

A.S. BYATT
býst ég við, en hún hlýtur að sjá að við getum ekki haldið svona áfram.
Ég get ekki verið svona tvískiptur, ég verð að ákveða mig.“
„Þú virðist vera búinn að taka ákvörðun fýrir vinkonu þína.“
Hann dró djúpt andann og lagði allt frá sér, greiðu, skæri, hárblás-
ara.
„Já, en ég er hræddur. Ég er skíthræddur um að standa uppi allslaus
ef ég læt vaða. Ef hún hefur mig alltaf, vinkona mín, þá er ekki víst að
hún haldi áfram að elska mig á sama hátt. Og ég er ánægður með húsið
mitt, þú veist, mér finnst það svo þægilegt og ég er vanur því, öllum
gömlu stólunum. Ég er ekki sérlega sáttur við að selja það frá mér.“
„Ástin er ekki auðveld.“
„Það er víst óhætt að segja það.“
„Finnst þér hárið á mér vera farið að þynnast ofan á höfðinu?“
„Hvað þá? Ó nei, eiginlega ekki, hafðu engar áhyggjur. Við venjum
þennan litla sveip svo hann leggist hérna yfir, svona. Heldurðu að hún
eigi rétt á meira en hálfvirði hússins?“
„Ég er ekki lögfræðingur. Ég er fornfræðingur.11
„Við ætlum í frí til Grikklands. Ég og vinkona mín. Sigla um á meðal
grísku eyjanna. Ég er búinn að kaupa köfunarbúnað. Stofan verður
lokuð í mánuð.“
„Þakka þér fyrir að láta mig vita.“
Stofan var gerð upp meðan hann var í burtu. Hann hafði ekki látið
hana vita af því, og hvers vegna ætti hann svo sem að hafa gert það?
Hún var afar nýtískuleg, í nýjustu litunum, dumbrauðu og gráum lit
orrustuskipanna. Storknað blóð og stríðstól, hugsaði Súsanna þegar
hún kom þangað aftur. Hún var sérstaklega óánægð með litavalið. Allt
var orðið breytt. í stað bláu hjólaborðanna voru komin nýtísku stál-
borð, loftið hafði verið lækkað, í stað gluggaglersins með daufa vatns-
yfirbragðinu hafði verið sett stormgrátt rnatt gler svo að jafnvel bjartir
dagar urðu drungalegir. Tónlistin var nú dempað þungarokk. Ungu
karlmennirnir og ungu konurnar sem þarna unnu klæddust dökkgrá-
um japönskum sloppum og hinir sem hún hugsaði um sem sjúklinga,
og sjálf var hún í þeirn hópi, fengu dumbrauða sloppa með sama sniði.
Andlit hennar var grátt í speglinum, hafði glatað hinum villandi rós-
rauða blæ er stafaði frá hinni lýsingunni.
Rósrauða nektarmyndin var horfin. í hennar stað voru komnar
48
www.mm.is
TMM 1999:1