Árbók Hins íslenzka fornleifafélags - 01.01.2011, Síða 198

PÁLSTÓFTIR 197
veiðar verið önnur. Dýrabeinasafn var ekki mjög stórt en beinin benda til
þess að íbúar hafi etið fuglakjöt (ca 75% af greinanlegum tegundum), mest
gæsir, en þó er erfitt að álykta af svona litlu sýni (Tafla 3, Rosenlund 2007). Vel
getur verið að fuglaveiðarnar hafi ekki verið bara til viðurværis fyrir selfólkið
heldur hafi verið safnað vistum fyrir aðalbýlið. Lítill vafi er á að búseta á
þessum stað var árstíðabundin, og litlar líkur eru á að fólk hafi farið á stað til
fjalla um 600 m yfir sjávarborð á sumrin, bara til þess að stunda málmsmíði í
smáum stíl, þegar vitað er að þessháttar iðja fór einnig fram á meginbýlum í
lág sveitum. Það bendir frekar til þess að staðurinn hafi verið nýttur fyrir fleira
en sérhæfðan seljabúskap og þar hafi verið stunduð fjölbreytt iðja, þó hún
væri skipulögð í kringum flutninga á búfé í sumarhaga. Til að skoða þetta í
sam hengi er gagnlegt að líta á það sem vitað er um svipaða minjastaði annars
staðar umhverfis Norður-Atlantshaf.
Pálstóftir og seljabúskapur í byggðum norrænna manna við
Norður-Atlantshaf
Miklar líkur eru á að Pálstóftir hafi verið sel. Til þess benda bæði staðsetning, eðli
mannvirkja og lengd búsetunnar. Býlið sem þarna átti selstöðu hefur væntan lega
staðið töluvert lægra yfir sjó. Nú væri forvitnilegt að reyna að bera þessar minjar
saman við þekktar seljaminjar frá sama tímabili í nálægum löndum.
Ýmsar rannsóknir hafa verið gerðar á Norðurlöndum þar sem reynt hefur
verið að varpa ljósi á einkenni og eðli selja. Í Noregi gerði Hougen snemma
(1947) úttekt á þessu efni, en mikilvægasta úttektin er eftir Reinton (1969).
Tafla 3. Yfirlit yfir dýrabein frá Pálstófum. Öll beinin fundust annað hvort í
torfhruni úr veggjum eða frá útisvæðinu vestur af aðalbyggingunum (byggt á
Rosenlund 2007).
Tegundir Fjöldi tegundargreindra beina
Álft, Cygnus Cygnus 2
Álft, Cygnus sp. 1
Grágæs, Anser anser 8
Gæs, Anser sp. 57
Fugl (almennt), Aves 26
Sauðfé, Ovis aries 11*
Sauðfé eða geit, Ovis aries/Capra hircus 14
Ekki greinanlegt 11
* Þar af eru 9 völur, og 5 þeirra fundust í hrúgu í mannvirki IV, sem gæti bent til
að þær hafi verið notaðar í spil eða spádóma.