Skírnir - 01.09.1988, Page 15

SKÍRNIR GUNNLÖÐ OG HINN DÝRI MJÖÐUR
221
III
Elsta saga Ira í þessum flokki mun vera Baile in Scdil, The
Phantom’s Frenzy.
Hún segir frá forsögulegum konungi, Conn Cétchathach að
nafni. Dag nokkurn fór hann upp á virkisvegg konungssetursins í
Tara með þremur drúídum sínum og hirðskáldi, því að það var sið-
ur hans að gera svo daglega ef ske kynni að fólkið úr hulduhólun-
um eða Fomoríarnir gerðu óvænta árás á írland. Þennan dag sló
skyndilega yfir þá gerningaþoku. Ut úr þokunni kom maður ríð-
andi og bað Conn að koma með sér til bústaðar síns. Hann fór með
þá uns þeir komu á víðan völl þar sem gullið tré óx. Þar var hús
þrjátíu feta langt með mæniás úr hvítagulli. Þeir gengu inn og sáu
þar mey á kristalstóli með gullkórónu á höfði. Fyrir framan hana
var silfurkerald með hornum af gulli. Gullker stóð við hlið hennar
og framan við hana var gullinn bolli.
Þeir sáu huldukonunginn Fug þar líka í hásæti sínu, og aldrei sáu
menn í Tara svo frábæran mann, segir sagan. Sagðist hann vera
kominn úr ríki dauðra til að segja Conn hversu lengi hann mundi
ríkja í Tara og afkomendur hans eftir hans dag. Þess má geta að
konungur í Tara var yfirkonungur írlands. Síðan segir sagan:
Mærin var Flaith Erenn, konungsveldi írlands („The sovranty of Ire-
land“) og hún veitti Conn máltíð, eitt uxarif og eitt svínsrif. Uxarifið var
tuttugu og fjögurra feta langt og átta fet voru frá rifsbug til jarðar. Svínsrifið
var tólf feta langt en fimm fet frá bug til jarðar. Þegar mærin tók að skenkja
ölið þá spurði hún hverjum ætti að skenkja hið rauða öl (derg flaith) og
guðinn svaraði henni. Þegar hann hafði nefnt alla konunga eftir daga
Conns, skráði skáldið Cesarn nöfnin með Ogam-letri á fjóra ýviðarstafi.
Síðan létti þokunni og þeir voru aftur heima í Tara.9
Sama sagan er til í endursögn írska fræðimannsins O’Rahillys
þar sem er öllu nákvæmara greint frá hvernig mærin fór að því að
skenkja ölið og er ekki laust við að minni á lýsinguna í 140. erindi
Hávamála („ok ek drykk of gat ins dýra mjaðar, ausinn Oðreri“).
O’Rahilly endursegir söguna á þessa leið:
I Baile in Scáil er hún sýnd sem kona með gullkórónu á höfði sitjandi í
kristalstóli með kerald fullt af rauðum miði fyrir framan sig og úr því hellir
hún drykk í gullbolla sem hún réttir síðan hverjum konungi írlands eftir
röð.10