Ritröð Guðfræðistofnunar - 01.09.2005, Page 22
2. Son Guðs eilífur, sjáum vér,
sannur Guð, vafinn reifum er.
Jatan er fyrsta hælið hans,
hans, sem er athvarf syndugs manns.
Sé Drottni dýrð!
3. Móðurfaðmurinn felur hann,
fela veröld sem öll ei kann.
Hann er nú orðinn ungur sveinn,
öllum sem hlutum ræður einn.
Sé Drottni dýrð!
4. Ljósið eilífa lítum vér,
Ijóma’ um gjörvallan heim sem ber.
Náttmyrkri ljósið lýsir í,
ljóssins vér gjörðumst börn í því.
Sé Drottni dýrð!
5. Snauður kom hann í heiminn hér,
hans að miskunnar nytum vér,
auðguðumst fyrir fátækt hans,
fögnuðum arfleifð himnaranns.
Sé Drottni dýrð!
6. Fyrir allt, sem að oss hann gaf
óverðskulduðum kærleik af,
honum sé þökk af hjarta skýrð,
honum sé eilíft lof og dýrð.
Sé Drottni dýrð!
Ahrif Grundtvigs
Það er með vissum rétti hægt að tala um áhrif N.F.S. Grundtvigs á þýðingu
sr. Stefáns. Grundtvig (1783-1872) þýddi eða umorti sálm Lúthers árið
1835.20 Þar hefur hann niðurlagið „O, Gud ske lov!“ í stað: „Kyrieleis“ og
felldi niður 5. vers sálmsins. Sr. Stefán fylgir Grundtvig að því leyti að hann
gerir niðurlag sálmsins að dýrðarsöng líkt og Grundtvig og vitnar raunar
eindregnar í englasönginn en Grundtvig með því að segja: „Sé Drottni dýrð“
20 Malling 1963, s. 261-263.
20