Ritröð Guðfræðistofnunar - 01.09.2005, Blaðsíða 70
Ég hef augu mín til fjallanna:
Hvaðan kemur mér hjálp?
Hjálp mín kemur frá Drottni,
skapara himins og jarðar.
Hann mun eigi láta fót þinn skriðna,
vörður þinn blundar ekki.
Nei, hann blundar ekki og sefur ekki,
hann vörður ísraels.
Drottinn er vörður þinn,
Drottinn skýlir þér,
hann er þér til hægri handar.
Um daga mun sólarhitinn eigi vinna þér mein,
né heldur tunglið um nætur.
Drottinn mun vernda þig fyrir öllu illu,
hann mun vernda sál þina.
Drottinn mun varðveita útgöngu þína og inngöngu
héðan í frá og að eilífu.
Þessi sálmur er sérlega gott dæmi um bænamál Saltarans. Franz
Delitzsch (1813-1890) gaf honum á sínum tíma yfirskriftina „Huggun guð-
legrar verndar“29 og lýsir sú yfirskrift innihaldi hans vel. í þennan sálm hafa
kristnir menn og Gyðingar sótt huggun og styrk gegnum aldirnar. Snemma
hefur hann vafalaust verið notaður við mismunandi aðstæður og þarf því
ekki að koma á óvart að fræðimenn greini á um upprunalega notkun hans.
En löngum hefur verið til hans gripið á hættustundum30 eða í návist dauð-
ans. Trúræknir Gyðingar hafa yfir lokavers hans er þeir yfirgefa heimili sín
og kyssa á „mesúsuna“ (mezuzah) við dyrnar en við kristnir menn þekkjum
þetta sama vers best úr skírnarritúalinu.
Þessi ólíka notkun sálmins er aðeins eitt af fjölmörgum og forvitnilegum
dæmum um það hvernig bænir Saltarans er sífellt heimfærðar upp á nýjar
aðstæður.
Ritaskrá:
Broomé, Catharina 1995: „Vad psalmema lar oss om bön.“ í: Bergström, Hans (red),
En bok om Psaltaren. Örebro: Bokförlaget Libris, s. 135-157.
Bmeggemann, Walter 1997: Theology of the Old Testament. Testimony, Dispute,
Advocacy. Minneapolis, Fortress Press.
29 F. Delitzsch 1889. s. 264.
30 Gott dæmi um það er hið stóra hlutverk sem þessi sálmur gegnir í kvikmyndinni Dagbók Önnu Frank
frá árinu 1959 eins og ég hef rakið í grein minni um sálminn í Kirkjuritinu 2004.
68