Múlaþing: byggðasögurit Austurlands - 01.01.1984, Page 177

múlaþing
175
Kaþólski spítalinn að Búðum. Franska herskipið „La Manche“ á skipalœginu.
En hvað gat það verið sem fékk Frakkana til þess að yfirgefa hin
fögru heimkynni sín og halda til Islands? Gat það verið löngunin til þess
að vera til sjós á skipum sem buðu ekki upp á hin minnstu þægindi?
Eða var það viljinn til þess að bjóða náttúruöflum, fárviðri og bylgjum
úthafsins, birginn? Fyrir kom að þeir væru innilokaðir í drungalegum
káetunum fimm eða sex daga í einu og ættu á hættu að skipið færist á
hverri stundu. Síðan urðu þeir að standa uppi sólarhringum saman við
að dorga þorsk. Astæðurnar eru sjálfsagt margs konar ef ég þekki rétt.
Þær kunna að vera vonin um að vinna heimili sínu svolítinn aukaskild-
ing til brýnustu lífsþarfa, eða blátt áfram hrifningin af því að þrjóskast
gegn hafi og hættum. Marga sögu kunnu fiskimenn, sem komist höfðu
lífs af, að segja frá svaðilförum þessum og minntust með gleði lífsháska
og þrenginga sem þeir höfðu komist í.
Island er að hluta til staðsett nyrst á Atlantshafi, en að nokkru norður
í Dumbshafl. Eyjan er því umlukin hrikalegu úthafi á alla vegu
og ber vitni sköpunarverki Guðs, almætti hans og mikilleik. En það
sýnir jafnframt örlæti hans og mildi að særinn umhverfis landið er svo
fullur af hvers konar fiskifangi að margar þjóðir þarf til þess að nýta það
allt. Ásamt Islendingum geta því bæði Englendingar og Frakkar stund-