Múlaþing: byggðasögurit Austurlands - 01.01.1988, Qupperneq 36

34
MÚLAÞING
A myndinni eru í beinni stefnu: Neðravatn, Vatnshraun, Teigsblá, dalurinn Hjálpleysa og
Botnatindur fyrir botni hans. Áveita nr. 4 var í ytri enda Teigsblárinnar, en Vatnshraunið
skyggir á það. - Mynd frá 1963.
flaut vatnið gegnum gáttina í garðinum og áfram eftir sundinu inn í
Húsagarðsklettablá í Ormarsstaðateig. Annar skurður lá þvert í gegn-
um Neðri blána frá gáttinni við Þvermelahornið og tæmdi allt vatn af
Heimablánni en það varð að gerast nokkrum vikum áður en farið var
að heyja, svo gras næði að þéttast og landið að þorna. Miklir framræslu-
skurðir eru nú gegnum Heimablá og Neðriblá, sem bíður enn ræktunar.
3. Húsagarðsklettabláin (nefnd Húsaklettablá á Ormarsstöðum) er
alveg innilukt af klettum og aðliggjandi holtum. Þurfti ekki að byggja
nema 30 m langan garð í sundi, sem liggur suður úr henni en sá garður
varð að vera hæstur af öllum flóðgörðunum í áveitukerfinu svo að vatn
gæti staðið uppi á blánni mest allri. Garðurinn er rúmlega mannhæð.
Bláin er í Ormarsstaðalandi og þarna hlýtur að hafa verið gott og
greiðfært flæðiengi, þótt bláin sé ekki stór. Höfund samantektarinnar
minnir að bláin væri stundum slegin á árunum milli 1935 og 1945.
Sundið með flóðgarðinum er um 300 m langt og eftir því rann vatnið
af blánni fram í ytri hluta Teigsblár en þar er stærsta lónið í öllu
áveitukerfinu. Garðurinn er stæðilegur ennþá.
En yst í Húsagarðsklettablá er 290 m langur deiliskurður til austurs