Múlaþing: byggðasögurit Austurlands - 01.01.1988, Side 51
MÚLAÞING
49
vefstól, Patent J. G. Albinus N. 173, forláta grip sem hann hafi keypt
á uppboði á Ormarsstöðum fyrir 54 krónur. (Uppboðsskráin segir 34
krónur). Hann hafi kostað 600 krónur, þegar Tryggvi og Magnús Ein-
arsson keyptu hann upphaflega. Stærðina megi marka á því að hann
sé 5 hestburðir en nú kunni enginn á hann lengur. Hann segist ekki
vilja græða á þessari eign sinni en þó sé skammarlegt að láta svo góðan
grip ryðga niður.
Ekki verður því annað séð en að Guðmundur Snorrason hafi komið
vefstólnum heim til sín í Fossgerði. Meira er ekki vitað um hann í bili.
Þó er enn sá möguleiki fyrir hendi að hann sé enn til eða einhverjir
hlutar úr honum. E. t. v. leiðir tíminn það í ljós en trúlegt er að eyðing
og gleymska hafi tortímt honum á sinn hljóða hátt.
En aðveituskurðurinn, sem flutti vatnið til að knýja tóvinnuvélarnar
við Ormarsstaðaána, er eiginlega með sömu ummerkjum og fyrir 100
árum, þegar Jóhann Frímann starfaði þarna. Grasið óx óbælt á botni
skurðsins, þegar við Ormar Árnason frá Ormarsstöðum mældum hann
síðasta dag ágústmánaðar sumarið 1985.
II.
Pöntunarfélag Fljótsdalshéraðs, Porvarður Kjerúlf
og Sæbjörn á Hrafnkelsstöðum
Stöðugt lifði í þeirri glóð, sem kviknað hafði fyrir eggjunarorð Jóns
Sigurðssonar forseta, þegar hann ræddi um að menn þyrftu að bindast
samtökum um breytta og bætta verslunarhætti. Einhver fyrsti maður
sem vakti máls á þessum hlutum á Fljótsdalshéraði var Guttormur
(6456) Vigfússon, bóndi og alþingismaður á Arnheiðarstöðum í
Fljótsdal. Hvatti hann bændur einnig til að bindast samtökum við að
vanda framleiðsluvörur, svo unnt væri að ná hagkvæmari kaupum á
erlendum varningi hjá kaupmönnum. Mun hann hafa rætt þessi mál á
Þinghöfðafundunum við Krakalæk í Tungu. Voru þeir haldnir þar
árlega frá 1850 til 1862 (2 fyrstu fundirnir að Fremraseli í Tungu).1)
Munu t. d. hafa komist á samtök um bætta meðferð ullar í Fljótsdal
') Þess má gjarnan geta að ekki alls fyrir löngu kom í teitirnar fundargerðbók Þinghöfða-
og Þórsnesfunda. Þar eru fundargerðir Þinghöfðafunda árin 1852 - 1859, þ. e. 8 fund-
argerðir, en 3 frá Þórsnesfundum, 1872, 1874 og 1876. Þessi bók er í héraðsskjalasafninu
á Egilsstöðum, þangað komin frá Hjörleifi Guttormssyni og mun vera úr búi Guttorms
Pálssonar frá Hallormsstað. - Á. H.
4