Múlaþing: byggðasögurit Austurlands - 01.01.1988, Page 96
94
MÚLAÞING
borgaður út stofnsjóður sinn. Stjórnarnefndin ákvað, að eins og á
stæði, yrði að fylgja ákvæðum félagsins um stofnsjóðinn og borga engan
stofnsjóð út að svo stöddu, nema þá er skylt er samkvæmt fjelagslögum
og ákvörðunum.“
Jóni Stefánssyni og Sölva Vigfússyni var falið að mæta fyrir hönd
félagsins á sambandsfundi kaupfélaganna um sumarið.
Alvarlegustu málin á þessum stjórnarfundi voru þau að íslandsbanki
hafði sagt upp reikningsláni sínu með bréfi 25. júní um vorið, „nema
tryggingar frá félagsmönnum fáist í nýju formi og lánið verði lækkað.“
Samþykkt var að útvega nýjar tryggingar. Landsbankinn hafði einnig
sagt upp sínu láni 10000 kr. en Eyjólfur Jónsson bankastjóri tók að
sér að athuga, hvort stjórn íslandsbanka mundi vilja greiða þá skuld
gegn fyrsta veðrétti í eignum félagsins í stað 2. veðréttar.
Alvarlegt var að ullin frá sumrinu áður var enn óseld og fallin úr 1
kr. áætlaðri niður í 60 aura (pundið). Stjórninni sýndist ráðlegast að
láta hana vera áfram 1 kr. í reikningunum en vísaði ullarmálinu annars
til aukafundar, er halda þurfti bráðlega. Að síðustu var þó ákveðið að
kjötverð frá síðasta hausti skyldi teljast eins og það yrði í reynd.
Ekki var ein báran stök fyrir pöntunarfélaginu árin 1907 og 1908.
Aukafundurinn var haldinn 2. ágúst 1908. Allir deildarstjórar, félags-
stjórn og afhendingarmaður mættu. Fyrst voru lánauppsagnirnar teknar
fyrir og samþykkt að færa íslandsbankalánið „niður í 40000 kr. frá
næsta nýári og fara þess á leit að eigi þurfi að breyta ábyrgðum að svo
stöddu.“ Varðandi Landsbankalánið-kr. 10000,00, samþykkti fundur-
inn að útibú hans „fái þegar fyrsta veðrétt í eigninni gegn því að borga
nefnda skuld.“ Ullin skyldi talin á krónu pundið í reikningunum en
kjöt á sannvirði.
Á hverjum einasta fundi var afhendingarmanni falið „að heimta inn
útistandandi skuldir fjelagsins“ og svo var enn. „Fjelagsstjórninni var
falið að ákveða í haust verð á fje og annað um sláturtöku.“ Það var
hvort tveggja gert á stjórnarfundi á Seyðisfirði 15. september. Tekið
er fram í fundargerð að vegna mikillar óvissu um verð á kjöti og öðru
væri óhægt mjög að gera nokkra nákvæma áætlun. Verðið var áætlað
mjög lágt eða frá 10 - 12 aura pundið í öllum flokkum. Fjártakan
skyldi fara fram 1.-10. október og fé slátrað undir umsjón Vigfúsar
Guttormssonar í Geitagerði.
Aðalfundur ársins 1908 var haldinn að Rangá en ekki fyrr en 12.
jan. 1909. Eina tala úr reikningum er kr. 12109,25 í sjóði. Þeir voru
samþykktir. „Útbú íslandsbanka gerði fjelaginu tvo kosti með brjefi