Gerðir kirkjuþings - 01.01.2013, Qupperneq 31

31
nauðsynlegrar endurnýjunar tölvukosts Biskupsstofu. Netþjónar eru einnig teknir að
eldast og var nokkuð um bilanir á árinu vegna þess.
Þjónusta sem veitt er að hálfu kirkjuráðs og Biskupsstofu til sókna.
Ráðgjafi um fjármál sókna o.fl. starfar á Biskupsstofu. Ráðgjöfin felst m.a. í greiningu og
mati á fjárhagsstöðu sókna. Ráðgjafinn aðstoðar við gerð ársreikninga sókna ef óskað
er og veitir sóknum upplýsingar þar að lútandi. Einnig er sóknum veittar upplýsingar
og ráðgjöf á sviði starfsmannamála s.s. um ráðningasamninga, kjarasamninga og laun.
Fjármálahópur kirkjuráðs hefur fjalað um fjárhagsvanda ýmissa sókna og fundað með
fjölmörgum sóknarnefndum um fjármál þeirra. Hefur það í mörgum tilvikum skilað þeim
bættri fjárhagsstöðu.
Sóknarnefndarfólk fær einnig lögfræðilega ráðgjöf s.s. varðandi margvíslega túlkun
laga og starfsreglna kirkjunnar og framkvæmd þeirra. Biskupsstofa sinnir einnig
sóknarnefndarnámskeiðum um land allt sé þess óskað en þar er farið yfir lög og starfsreglur
er varða stöðu og hlutverk sóknarnefnda svo og störf sóknarnefnda er varða fjármál
og starfsmannamál. Einnig er farið yfir innra starf sóknarnefnda. Eins og fram kom í
umfjöllun um upplýsingatæknisvið fá sóknir aðstoð við að setja upp vefi og eru þeir hýstir
í vefkerfi Biskupsstofu.
Kirkjuþing unga fólksins
Kirkjuþing unga fólksins 2012
Kirkjuþing unga fólksins kemur saman árlega. Hlutverk þess er að ræða stöðu og hlutverk
ungs fólks í þjóðkirkjunni og í samfélagi kirkna um heim allan. Þar eiga sæti fulltrúar
prófastsdæma Þjóðkirkjunnar og fulltrúar frá KFUM og KFUK með málfrelsi, tillögurétti
og atkvæðisrétti. Fulltrúarnir skulu vera á aldrinum 14 til 30 ára og skráðir í þjóðkirkjuna.
Kirkjuþing unga fólksins er vettvangur ungs fólks til að hafa áhrif á starfsemi kirkjunnar.
Ályktanir kirkjuþings unga fólksins 2012.
Kirkjuþingi unga fólksins 2012 var haldið í Grensásskirkju föstudaginn 9. nóvember 2012.
Forseti þess var Jónína Sif Eyþórsdóttir. Þar voru samþykktar eftirfarandi ályktanir:
„1. mál. Ályktun um afstöðu gegn einelti
Kirkjuþing unga fólksins 2012 tekur afgerandi afstöðu gegn einelti og hvetur til þess að
kirkjan leggi sitt af mörkum í vinnu gegn einelti og upprætingu þess. Kirkjan móti verkferla
til að takast á við einelti komi það upp í starfi kirkjunnar og styðji og styrki þolendur
og gerendur eineltis og aðstandendur þeirra með virkum uppbyggilegum hætti og móti
eineltisáætlun. Að kirkjan láti ekki sitt eftir liggja í baráttunni gegn einelti og taki upp
aðgerðaráætlun gegn einelti í samræmi við það sem önnur æskulýðsfélög og skólar hafa
verið að gera. Kirkjuþing unga fólksins skorar því á kirkjuna að eftirfarandi hlutir verði
að minnsta kosti gerðir: Að kirkjan komi á fót fagráði um einelti sem sé stuðningsnet við
starfsfólk kirkjunnar þegar erfið eineltismál koma upp. Að kirkjan tryggi að starfsmenn og
leiðtogar kirkjunnar sæki námskeið þar sem veitt er fræðsla um einelti. Að á því námskeiði
öðlist starfsmenn og leiðtogar kirkjunnar þá færni sem þeir þurfi til að taka eftir einelti,
færni til að grípa inn í þegar einelti á sér stað og þekkingu til að takast á við einelti. Að