Gerðir kirkjuþings - 01.01.2013, Page 37

37
þjóðarinnar fyrir því að á Íslandi sé þjóðkirkja og því finnst okkkur eðlilegt að samstarf sé
til staðar á milli þjóðkirkjunnar og menntastofnana á Íslandi. Börn eiga að fá tækifæri til
að kynnast trúnni og eiga ekki að þurfa að líða fyrir það kirkjunni sé meinaður aðgangur
að skólunum.
Við viljum jafnframt ítreka mikilvægi þess að þeim fjármunum sem kirkjan hefur
til umráða sé reynt eftir fremsta megni að eyða fyrst og fremst í að byggja upp öflugt
safnaðarstarf. Að okkar mati væri ráðlegt að setja reglur um það að hverri sókn fyrir sig
beri að eyða ákveðinni prósentu af fjármunum símum í æskulýðs­ og safnaðarstarf. Með
því er hægt að koma í veg fyrir það að einhver æskulýðsfélög þurfi að líða fyrir það að þau
fá minni fjárveitingu en önnur.
Kirkjuþing unga fólksins vill eftir sem áður undirstrika það að niðurstöður þjóðarat­
kvæða greiðslunnar beri jafnvel í för með sér það umboð sem kirkjan þurfti til þess að
ráðast loks í þessar miklu framkvæmdir sem þurfa að verða til þess að kirkjan megi ávinna
sér enn meira traust en hún hefur nú þegar. Við trúum því að með því að standa betur við
bak æskulýðsstarfsemi geti kirkjan áunnið sér frekara traust ungs fólks og viðhaldið því
til frambúðar.“
Ályktuninni hefur þegar verið komið á framfæri innan kirkju og utan, í tengslum við
Kirkjuþing unga fólksins.
„5. mál. Ályktun um launataxta leiðtoga í æskulýðsstarfi þjóðkirkjunnar.
Kirkjuþing unga fólksins vill koma þeirri tillögu á framfæri að samræmdur launataxti sé
fyrir alla þá leiðtoga í æskulýðsstarfi þjóðkirkjunnar sem eru launaðir. Tillagan snýr að
því að kirkjan hafi samræmdann launataxta fyrir alla launaða leiðtoga æskulýðsstarfsins.
Sérstaklega þar sem mikið misræmi er nú í launagreiðslu til leiðtoga sem miðast ekki út
frá hæfni, reynslu eða ábyrgð leiðtoga. Taxtinn sé miðaður við vinnutíma, ábyrgð, aldur
og reynslu í starfi launþegans.
Leiðtogar séu vel upplýstir af kirkjunni í upphafi starfs um hvort þeir starfi sem sjálboðaliðar
eða séu launaðir samkvæmt samræmdum launataxta. Sjálfboðaliðum sé þá umbunað
samkvæmt umbunarkerfi enda sé þeirra starf ekki síður mikilvægt.
Kirkjuþing unga fólksins ályktar að það verði almenn regla að launaðir leiðtogar séu
skráðir sem launþegar innan kirkjunnar en ekki sem verktakar.“
Málið er hjá Launanefnd þjóðkirkjunnar.
Biskupsstofa – stefnumótun – skipurit
Á kirkjuþingi 2011 var lögð fram og kynnt skýrsla Ríkisendurskoðunar um Biskupsstofu,
sóknir og sjóði kirkjunnar. Þar kom m.a. fram ábending um að vinna þyrfti að
heildarstefnumótun um málefni Biskupsstofu. Kirkjuráð taldi rétt að nýkjörinn biskup
skyldi leiða þá vinnu. Starfsmenn Biskupsstofu þau Guðmundur Þór Guðmundsson,
Þorvaldur Víðisson, Sigríður Dögg Geirsdóttir og Ragnhildur Benediktsdóttir hafa leitt
stefnumótunarvinnuna en Þorvaldur Karl Helgason og Runólfur Smári Steinþórsson